جامبىل وبلىستىق پوليتسيا دەپارتامەنتى ءباسپاسوز قىزمەتىنىڭ مالىمدەۋىنشە, وسىدان 14 جىل بۇرىن تاراز قالاسىندا توناۋ جانە بۇزاقىلىق قىدمىستارىن جاساعانى ءۇشىن وعان ىزدەۋ جاريالانعان. ازامات بىرنەشە جىلدار بويى شەت مەملەكەتتەردىڭ اۋماعىندا بوي تاسالاپ كەلگەن.
7 قاراشا كۇنى جامبىلدىق پوليتسەيلەر ارنايى وپەراتسيا جۇرگىزۋ بارىسىندا ىزدەۋدەگى ازاماتتى الماتى قالاسىنداعى فيتنەس زالدارىنىڭ بىرىنەن ۇستاعان. كۇدىكتىنىڭ بەت-بەينەسى ءوزىنىڭ تۋعان اعاسىنا ۇقساعاندىقتان, پوليتسيا قىزمەتكەرلەرىنە ءوزىن اعاسىنىڭ ەسىمىمەن تانىستىرعان. انىقتاۋ جۇمىستارىن جۇرگىزۋ ءۇشىن ءبىر مەزگىلدە ونىڭ تۋعان اعاسى دا جامبىل وبلىسىنىڭ پوليتسيا دەپارتامەنتىنە جەتكىزىلەدى. ولاردان ساۋساق ىزدەرى الىنىپ, جەكە باستارى تولىق انىقتالعان سوڭ ىزدەۋدەگى ازامات الماتى قالاسى پوليتسيا دەپارتامەنتىنىڭ ۋاقىتشا ۇستاۋ يزولياتورىنا قاماققا الىنادى.
بۇعان دەيىن جامبىلدا اقشا جىمقىرعان شەنەۋنىك ءبىر ۇكىمنىڭ ۇستىنە ەكىنشىسىن جاماپ العانىن جازعان بولاتىنبىز.
