ءار باسەكە سايىن ءوز جانكۇيەلەرىن جەرگە قاراتىپ جۇرگەن جەرلەستەرىمىز بۇل جولى دا سەنىم ۇدەسىنەن شىعا المادى. ءبىرىنشى كەزەڭدە ەسەپ اشىلعان جوق. ۇزىلىستەن كەيىن جاعداي كۇرت وزگەردى. قاھارىنا مىنگەن قازاندىقتار ەكى شايبانى قاقپامىزعا توعىتتى. 33-مينۋتتا يليا سافرونوۆ پەن 37-مينۋتتا دميتري كاگارليتسكي نىسانانى ءدال كوزدەدى. سودان كەيىن دە ەلوردالىق حوككەيشىلەر جاعدايدى وزگەرتۋ ءۇشىن ەش ارەكەت جاسامادى. 60-مينۋتتا ەۆگەني سۆەچنيكوۆ باسەكەنىڭ سوڭعى نۇكتەسىن قويدى. ەسەپ – 0:3.
ءسويتىپ, «بارىس» سوڭعى التى ويىننىڭ بەسەۋىندە جەڭىلىستىڭ كەرمەك ءدامىن تاتتى. ەندى استانالىقتار 10 قاراشادا قىتايدىڭ «كۋنلۋن» كلۋبىن قابىلدايدى.
