فيفا رەيتينگىندە قاتار جەرلەستەرىمىزدەن الدەقايدا جوعارى تۇر. ولار 61-ورىنعا تۇراقتاسا, ءبىز 98-ساتىعا جايعاستىق. كۇنى بۇگىنگە دەيىن ەكى كوماندا ءوزارا ءتورت مارتە كەزدەستى. ەكەۋىنىڭ دە ەنشىسىندە ەكى جەڭىستەن بار. ءار جىلدارى قازاقستان 1:0 (1996 جىلعى ازيا كۋبوگىنىڭ ىرىكتەۋ ءتۋرنيرى) جانە 2:0 (1998 جىلعى ازيا ويىندارى) ەسەبىمەن ۇتسا, قاتار 3:0 (1996 جىلعى ازيا كۋبوگىنىڭ ىرىكتەۋ ءتۋرنيرى) جانە 3:1 (1996 جىلعى ازيا كۋبوگىنىڭ ىرىكتەۋ ءتۋرنيرى) ەسەبىمەن جەڭىس تويىن تويلادى. 1992 جىلى بارسەلونا وليمپياداسىندا قارسىلاستارىمىز شيرەك فينالعا دەيىن جەتىپ, 2019 جىلى ازيا چەمپيونى اتاندى. 2021 جىلى كونكاكاف كۋبوگىندە قولا مەدال يەلەندى. پارسى شىعاناعىنىڭ وكىلدەرى بىلتىر ءوز ەلىندە وتكەن الەم چەمپيوناتىنا قاتىستى. بىراق ەكۆادور (0:2), سەنەگال (1:3) جانە نيدەرلاندقا (0:2) ەسە جىبەرىپ, «ا» توبىندا سوڭعى ورىندا قالىپ قويدى.
اتالعان ماتچ قاتار استاناسى دوحاداعى «حاليفا» (70 مىڭ كورەرمەنگە ارنالعان) نەمەسە لۋسايلدەگى «ۇلتتىق ستاديوندا» (88 966 كورەرمەنگە ارنالعان) قالاسىندا ءوتۋى مۇمكىن.
