فوتو: اشىق دەرەككوز
قابىلدانعان شەشىمنىڭ نەگىزگى ماقساتى - استانا اۋەجايىن ءمۋلتيمودالدى حاب رەتىندە دامىتۋ, ينۆەستيتسيا قۇيۋ ارقىلى ۇشۋ-قونۋ جولاعىن كۇردەلى جوندەۋدەن وتكىزۋ, جۇك تەرمينالىنىڭ قۋاتتىلىعىن جانە جولاۋشىلار اعىنىن ارتتىرۋ.
«بۇل استانا حالىقارالىق اۋەجايىنىڭ ۇشۋ-قونۋ جولاعىندا ساعاتىنا 20 ۇشۋ جانە قونۋ وپەراتسياسىن ورىنداۋعا مۇمكىندىك بەرەدى. ال جۇك تەرمينالىنىڭ اۋماعى 3,3 مىڭ شارشى مەتر بولادى. استانا حالىقارالىق اۋەجايى جىلىنا 11 مىڭ توننا جۇكتى قابىلداۋ جانە جونەلتۋ جۇمىسىن جۇرگىزىپ كەلەدى», دەلىنگەن حابارلامادا.
وسى تۇستا ورتاق كەلىسىم ازىرگە 1 جىلعا قاراستىرىلعانىن ايتا كەتۋ كەرەك.
ء«بىر جىل كولەمىندە ينۆەستور استانا اۋەجايىنىڭ الەۋەتىن زەردەلەپ, مۇمكىندىكتەرىن قاراستىرادى. سودان كەيىن ناقتى ينۆەستيتسيا كولەمى مەن ۇزاق مەرزىمدى كەلىسىم-شارت جاساسۋ ماسەلەسى قاراستىرىلادى», دەيدى اۋەجاي وكىلدەرى.
Terminals Holding-پەن ىنتىماقتاستىق تۋرالى كەلىسىمگە 18 قازاندا پرەمەر-مينيستر ءاليحان سمايىلوۆتىڭ تۇركىستان وبلىسىنا ساپارى بارىسىندا قول قويىلدى.
