فوتو: اشىق دەرەككوز
«تولىق ەمەس وتباسى» - ەرلى-زايىپتىلاردىڭ اجىراسۋى نە بىرەۋىنىڭ قازا بولۋى سالدارىنان نەكە بۇزىلىپ, ءبىر ادام بالا تاربيەلەپ وتىرعان وتباسى. ايتا كەتسەك, بۇل سانات زاڭ اياسىندا بەكىتىلەدى.
تولىق ەمەس وتباسىلار مەملەكەتتەن باسپانا الۋ ءۇشىن ارنايى كەزەككە تۇرۋعا ءتيىس ەكەنى بارشاعا بەلگىلى. بىراق كەزەك تالابىن ەكىنىڭ ءبىرى بىلە بەرمەيدى.
تۇرعىن ۇي كەزەگىنە تۇرۋ ءۇشىن:
- قازاقستان ازاماتى بولۋ;
- ءوتىنىش بەرۋشى مەن وتباسى مۇشەلەرىندە (ايەلى/كۇيەۋى, بالالارى) سوڭعى بەس جىلدا جالعا بەرگەن باسپانانى قوسا العاندا, ءۇي بولماۋ قاجەت;
- نە بولماسا:
— باسپانا بەكىتىلگەن سانيتارلىق نورمالارعا ساي ەمەس,
— جاپسارلاس, وقشاۋلانباعان بولمەلەردە ەكى نە ودان كوپ وتباسى تۇراتىن,
— وتباسى قۇرامىندا سوزىلمالى اۋرۋدىڭ اۋىر تۇرىنە شالدىققان كىسى بولىپ, ونىمەن ءبىر پاتەردە تۇرۋ مۇمكىن بولماۋ كەرەك; - استانا, الماتى, شىمكەنتتە كەم دەگەندە ءۇش جىل تىركەلۋ مىندەتتى. ال باسقا قالالاردا مەرزىمى ماڭىزدى ەمەس.
«الەۋمەتتىك وسال توپتاعى تولىق ەمەس وتباسىلارعا اكىمدىك مەرزىمىن ۇزارتۋ قۇقىعىمەن ۇش جىلعا پاتەر جالعا بەرەدى. ول قاتىسۋشىنىڭ وتباسى مۇشەلەرىنە مۇراگەرلىك جولمەن وتەدى. الايدا مۇنداي م ۇلىكتى ساتۋعا, كەپىلگە قويۋعا, ايىرباستاۋعا بولمايدى. كوممۋنالدى تولەمدەردى قوسپاعاندا, ايىنا شامامەن 10-15 مىڭ تەڭگە تولەۋ كەرەك. بۇنىڭ كەمشىلىگى دە بار, كەزەكتە 10 جىل تۇرۋىڭىز مۇمكىن», دەلىنگەن اقپاراتتىق حابارلامادا.
باسپانا كەزەگىندە تۇرعان قوعامنىڭ الەۋمەتتىك وسال توپتارى ءۇشىن ارنايى «5-10-20» (بۇرىنعى «شاڭىراق») باعدارلاماسى ىسكە قوسىلعان.
- 5 % - بانكتىڭ سىياقى مولشەرلەمەسى;
- 10 % - باستاپقى جارنا;
- 20 جىل - نەسيە مەرزىمى.
اتالعان باعدارلاما بويىنشا وتباسى بانك نەسيە راسىمدەيدى.
«وتىنىمدەر otbasybank.kz سايتى ارقىلى بەرىلەدى. ۇمىتكەر تەك ءوزى تۇراتىن وڭىردەگى بەلگىلى ءبىر نىساننان ءۇي تاڭداي الادى, بىراق ءول ۇشىن عيمارات قۇرىلىسى اياقتالىپ, قولدانىسقا بەرىلۋى كەرەك. سونداي-اق قاتىسۋشىلار قۇرىلىس بارىسىن وزدەرى باقىلاپ وتىرۋعا ءتيىس», دەلىنگەن حابارلامادا.
