فوتو: اشىق دەرەككوز
ارشالى اۋداندىق سوتىندا حابارلانعانداي, ءبىر جىلدان استام ۋاقىت – 2022 جىلدىڭ قاڭتارىنان 2023 جىلدىڭ ساۋىرىنە دەيىن اۋدانداعى ءبىلىم بەرۋ ۇيىمدارىنىڭ ءبىرىنىڭ ەسەپشىسى ديرەكتورعا, وزىنە جانە باسقا ادامدارعا جوعارىلاتىلعان كولەمدە جالاقى اۋدارىپ كەلگەن. وسى ۋاقىت ىشىندە بيۋدجەتتەن 28 ميلليون تەڭگە ۇرلانعان. بۇل اسا ءىرى كولەمدەگى شىعىن بولىپ ەسەپتەلەدى.
«جازا تاعايىنداۋ كەزىندە سوت ديرەكتوردىڭ سوتتىلىعىنىڭ جوقتىعىن, كەلتىرىلگەن زالالدى تولىق وتەگەنىن, سونىمەن قاتار ەسەپشىنىڭ اقشانىڭ كوپ بولىگىن ۇرلاعانىن جانە باسقا دا ارەكەتتەردە بەلسەندىرەك بولعانىن ەسكەردى», دەپ ءتۇسىندىردى دەپارتامەنتتە.
ارشالى اۋداندىق سوتى ءىس بويىنشا سوتتالۋشىلاردى قازاقستان رەسپۋبليكاسى قىلمىستىق كودەكسىنىڭ 189-بابىنىڭ 4-بولىگىنىڭ 2-تارماعىمەن كىنالى دەپ تانىدى. ەسەپشى جەتى جىلعا, ديرەكتور ەكى جىلعا شارتتى تۇردە باس بوستاندىعىنان ايىرىلدى. ولاردىڭ ارقايسىسى مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرىلدى.
ۇكىم زاڭدى كۇشىنە ەنگەن جوق.
