كرى جشس باسقارما توراعاسى-باس ديرەكتورى دانيار تيەسوۆتىڭ ايتۋىنشا, كەشەندە «تەڭىز» كەن ورنىنان جەتكىزىلگەن شيكىزاتتان جىلىنا 500 مىڭ توننا پوليپروپيلەن شىعارۋ جوسپارلانعان. بۇل – الەمدەگى پوليپروپيلەن ءوندىرىسىنىڭ 1 پايىزىن قۇرايتىن ءارى قازاقستانداعى مۇناي-گاز ونەركاسىبىن وركەندەتۋگە سەپتىگى تيەتىن وسىنداي ءونىمدى شىعاراتىن العاشقى كەشەن.
دەگەنمەن بيىل ماۋسىمدا كەشەن جوندەۋگە توقتاتىلدى. باس ديرەكتور دانيار تيەسوۆ مۇنىڭ سەبەبىن پايدالانۋدىڭ ءبىرىنشى جىلىندا كەزدەسەتىن قالىپتى تاجىريبە رەتىندە ءتۇسىندىردى. ويتكەنى گاز-حيميا كەشەنىنىڭ جۇمىسىن توقتاتۋ وسىنداي ءىرى كاسىپورىنداردا كەزدەسىپ تۇرادى. كەشەنگە «Siemens» كومپانياسى ورناتقان جىلۋ الماستىرعىشتان اقاۋ بايقالىپ, تۋربيناعا سۋ اققان.
كەيىن كەشەندە جوسپارلى جوندەۋ جۇمىستارى جۇرگىزىلىپ, قايتادان ىسكە قوسىلدى. كەشەندە بىلتىردان بەرى پوليپروپيلەننىڭ پپ ن 030, پپ ن 120 ماركالارىن شىعارۋ ىسىنە 631 ادام تارتىلعان. دايىن ءونىم ءوز تۇتىنۋشىلارىمىزدان بولەك, تۇركيا, قىتاي, ەۋروپا ەلدەرى مەن رەسەي فەدەراتسياسىنا ەكسپورتتالادى.
كرى جشس ءوندىرىس جونىندەگى ديرەكتورى بولات ابدۋاليەۆتىڭ ايتۋىنشا, كەشەندە پوليپروپيلەننىڭ جاڭا ماركاسىن ءوندىرۋ باستالدى. جاڭا ءونىمنىڭ ماركاسى – PP H031 BF/7 دەپ اتالاتىن بياكسيالدى پلەنكا. جاڭا ونىمنەن تاماق جانە كۇندەلىكتى تۇرمىستا قولدانىلاتىن تاۋارلارعا ارنالعان پوليمەرلى پلەنكا قاپتامالارىن, ەتيكەتكا مەن سكوتچ تاسپاسىن وندىرۋگە بولادى. BOPP پلەنكاسى جوعارى توسقاۋىلدىق قاسيەتى بار, ءتوزىمدى ءارى ادام دەنساۋلىعىنا زيانسىز. پوليپروپيلەننىڭ PP H031 BF/7 ماركاسىنان فوتوسۋرەتتەردىڭ سىرتىن قاپتايتىن, كەڭسە تاۋارلارى مەن گۇلدەردى وراۋعا ارنالعان پلەنكالار جاسالادى.
ء«بىز ءوندىرىپ جاتقان PP H031 ماركاسىنا ەلىمىزدەن دە, شەت مەملەكەتتەردەن دە سۇرانىس جوعارى بولىپ تۇر. ويتكەنى بۇل – تىعىز ءارى ساپالى ءونىم. جاڭا ءونىم جەرگىلىكتى كومپانيالاردىڭ سۇرانىسىن تولىق وتەپ, يمپورتقا تاۋەلدىلىگىن جويۋعا مۇمكىندىك بەرەدى. ءبىر اپتادا جاڭا ماركانىڭ 1000 تونناسى ءوندىرىلدى», دەيدى بولات ابدۋاليەۆ.
اتىراۋ وبلىسى
