«ۇلكەن دۋلىعا» ساناتىنداعى جارىستاردىڭ 24 دۇركىن جەڭىمپازى قازىرگى كەزدە 11 445 ۇپايدى ەنشىلەپ وتىر. ەكىنشى ورىنداعى كارلوس الكاراس باستى باسەكەلەسىنەن كوپ قالىپ كەلەدى. بۇل كۇندەرى يسپانيانىڭ جاس دارىنى 8 455 ۇپايمەن شەكتەلىپ وتىر. سونداي-اق ۇزدىك وندىققا دانيل مەدۆەدەۆ (رەسەي), ياننيك سيننەر (يتاليا), اندرەي رۋبلەۆ (رەسەي), ستەفانوس تسيتسيپاس (گرەكيا), الەكساندر زۆەرەۆ (گەرمانيا), حولگەر رۋنە (دانيا), حۋبەرت حۋركاچ (پولشا) جانە تەيلور فريتتس (اقش) سىندى ساڭلاقتار ەندى.
قازاقستاننىڭ تەننيسشىلەرى اراسىندا ەڭ ۇزدىك كورسەتكىش الەكساندر بۋبليككە تيەسىلى. قورجىنىندا 1 369 ۇپايى بار ەلىمىزدىڭ ءبىرىنشى راكەتكاسى 32 ورىندى يەلەنىپ تۇر. وتكەن اپتانىڭ سوڭىندا اقش-تىڭ شارلوتسۆيلل قالاسىندا اياقتالعان «چەللەندجەر» تۋرنيرىندە توپ جارعان قانداسىمىز بىردەن 53 ساتىعا جوعارىلاپ, قازىرگى كەزدە 195-ورىندى ەنشىلەپ وتىر. ودان كەيىنگى ساتىلارعا ميحايل كۋكۋشكين (213-ورىن), تيموفەي سكاتوۆ (216-ورىن) جانە دەنيس ەۆسەەۆ (239-ورىن) جايعاستى.
