ورتوپەديا سالاسىنىڭ تانىمال مامانى ميرامبەك جۇماعۇلوۆتىڭ جەتەكشىلىگىمەن, وعان قوسا پريوروۆ اتىنداعى عىلىمي-مەديتسينالىق زەرتتەۋ ورتالىعى (ماسكەۋ) مامانى الەكسەي شۋمسكيدىڭ قاتىسۋىمەن العاش رەت ەلىمىزدە جالپى تىزە مەن جامباس بۋىندارىن ەندوپروتەزدەۋ, سونداي-اق تىزە بۋىنىن ءبىر ايدارشىقتى پروتەزدەيتىن العاشقى وپەراتسيالار جاسالدى.روبوتتىڭ كومەگىنە جۇگىنگەن كەزدە ءارءبىر ناۋقاسقا جەكە ەمدەۋ ءتاسىلءى قاعيداتى ساقتالىنىپ, روبوت وپەراتسياعا دەيىن جاساندى بۋىندى ءدال 3D جوسپارىن جاساپ, يمپلانتتىڭ دۇرىس ولشەمىن, ونى ورناتاتىن تۋرا ورىندى تاڭدايدى.
«قاراشانىڭ 3-7 ارالىعىندا ءبىز ەندوپروتەزدەۋگە مۇقتاج 9 ناۋقاستى تاڭداپ, قازاقستاندا روبوتتىڭ كومەگىمەن تىزە جانە جامباس بۋىندارىن اۋىستىرۋ بويىنشا العاشقى وپەراتسيالاردى جاسادىق. ۇمىتكەرلەردى ىرىكتەۋ بىرنەشە اي بويى ىجداھاتتىلىقپەن جۇرگىزىلدى. دارىگەرلەر كونسيليۋمى ءوتىپ, جاساندى بۋىندى ءدال 3D جوسپارلاۋ ءۇشىن كت زەرتتەۋدىڭ تسيفرلىق ناتيجەلەرى اقش ماماندارىنا جىبەرىلدى. روبوتتىڭ ارقاسىندا وپەراتسيا الدىن الا جوسپارلانعانداي – 1 مم-دەن از قاتەلىكپەن جۇزەگە اسىرىلادى. سونداي-اق جۇمساق تىندەردىڭ ساقتالۋى بارىنشا قامتاماسىز ەتىلىپ, بايلام اپپاراتىنىڭ وڭتايلى تەپە-تەڭدىگىنە قول جەتكىزىلەدى», دەيدى الماتى №4 قكا حيرۋرگيا بولىمشەسىنىڭ مەڭگەرۋشىسى ميرامبەك جۇماعۇلوۆ.
وسى ارادا Stryker كومپانياسى ۇسىنعان Mako تەحنولوگياسى دالىرەك ءارى بولجامدى حيرۋرگيالىق ناتيجە بەرىپ, ناۋقاستىڭ دەنساۋلىعىن تەز قالپىنا كەلتىرىپ, پروتەزدىڭ دە مەرزىمىن ۇزارتاتىنا توقتالا كەتكەن ءجون. Mako تەحنولوگياسى ارقىلى ءبىر ايدارشىقتى ەندوپروتەزدەۋ جاساتقان ناۋقاستار ونىڭ زاقىمى از ەكەنىن, بەلسەندى ءومىر سالتىنا تەز ورالۋ مۇمكىندىگى مەن پروتەزدى ءوز بۋىنىنداي سەزىنگەندەرىن ايتادى.
«بۇگىندە مۇنداي تەحنولوگيا دامىعان ەلدەردە تانىمال, ونى اقش, كانادا, جاپونيا, كورەيانىڭ جەتەكشى كلينيكالارىندا قولدانىپ كەلەدى. الماتى قالاسى اكىمدىگىنىڭ قولداۋىمەن ءبىز بۇگىن قازاقستاندا روبوتتىڭ كومەگىمەن العاشقى تىزە جانە جامباس بۋىندارىن اۋىستىرۋ وتالارىن جاسادىق – بۇل يننوۆاتسيالىق ورتوپەديا ءۇشىن ءارى تراۆماتولوگيالىق-ورتوپەديالىق كومەكتى جەتىلدىرۋدىڭ جاڭا كەزەڭى. جىل سايىن مۇنداي وپەراتسيانى قاجەت ەتەتىن ناۋقاس سانى ارتىپ كەلەدى. ماسەلەن وسى جىلدىڭ 10 ايىندا ءبىزدىڭ اۋرۋحانادا ءبىر جارىم مىڭنان استام بۋىن اۋىستىرۋ وتاسى جاسالسا, ەندىگى ماقساتىمىز – قىزمەتىمىزدى جەتىلدىرىپ, ساپالى مەديتسينالىق كومەك كورسەتۋ», دەيدى الماتىداعى №4 قكا ديرەكتورى, مەديتسينا عىلىمدارىنىڭ كانديداتى, MBA, DBA, پروفەسسور بءىرجان دوسمايلوۆ.
ايتقانداي, 2012 جىلى وسى اۋرۋحانادا جامباس, تىزە, يىق, شىنتاق بۋىندارىن اۋىستىرۋدى, سونىمەن قاتار اياق-قولدىڭ ءىرى بۋىندارىنداعى ەندوپروتەزدى تولىق جانە جارتىلاي اۋىستىرۋدى جۇزەگە اسىراتىن مامانداندىرىلعان ەندوپروتەزدەۋ بولىمشەسءى اشىلعانىن ايتا كەتۋ كەرەك.
ال ەندوپروتەزدەۋ تاجىريبەسى 1975 جىلى اناتولي چۋچۋلو №4 قكا-دا جامباس بۋىنىن ءبىر پوليۋستى ەندوپروتەزدەۋ وپەراتسياسىن جاساعان كەزدەن باستاۋ الادى. وسى جىلدار ىشىندە 20 مىڭنان استام پاتسيەنتكە بۋىن اۋىستىرۋ وپەراتسياسى جاسالعان.
