Kazinform-نىڭ شەتەلدىك باسىلىمعا سىلتەمە جاساپ حابارلاۋىنشا, يسپانيالىق سان-حوسە گالەونى قۇنى 20 ملرد دوللار بولاتىن التىن, كۇمىس جانە اسىل تاستاردى تاسىمالداعان.
ەندى ءۇش عاسىر بويىنا 20 ملرد دوللارلىق بايلىقپەن سۋ تۇبىندە جاتقان كەمەنىڭ كىمگە تيەسىلى ەكەنىن تابۋ زاڭ سالاسىنىڭ ماماندارىنا جۇكتەلگەلى تۇر.
ەل پرەزيدەنتى گۋستاۆو پەترو سان-حوسە گالەونىن كاريب تەڭىزىنەن مۇمكىندىگىنشە جىلدام شىعارۋدى تاپسىرىپ وتىر, دەپ حابارلادى ەلدىڭ مادەنيەت ءمينيسترى Bloomberg اگەنتتىگىنە.
ول يسپان فلوتىنىڭ 62 زەڭبىرەگى بار 3 ماچتالى گالەونىن ءوزىنىڭ پرەزيدەنتتىك مەرزىمى اياقتالعاشا, ياعني 2026 جىلعا دەيىن جاعالاۋعا شىعارۋدى ماقسات ەتىپ وتىر. ول ءۇشىن پرەزيدەنت مەملەكەتتىڭ جانە جەكە كاپيتالدى بىرىكتىرەتىن كاسىپورىن قۇرىپ, ءىستى سوڭىنا دەيىن جەتكىزۋدى كوزدەپ وتىر.
«بۇل پرەزيدەنت اكىمشىلىگىنىڭ باسىم ماقساتتارىنىڭ ءبىرى»,-دەدى ول.
قۇرامىدا 600 ەكيپاجى بار سان-حوسە گالەونى 1708 جىلى 8 يۋلدە بريتانيالىقتارمەن يسپان مۇراسى ءۇشىن سوعىس كەزىندە باتىپ كەتكەن. ۇزاق جىلدار بويى تەڭىز تۇبىندەگى قازىنا اڭىز بولىپ كەلگەن. ويتكەنى ونىڭ ناقتى قاي جەردە جاتقانى بەلگىسىز ەدى.
سۋ تۇبىندە جاتقان كەمە 2015 جىلى تابىلىپ, سۋرەتكە تۇسىرىلگەن.
