«قورقىتتىڭ» قۋانىشى

اتالعان فەستيۆال تۇركسوي مەن بارشا تۇركى ەلدەرى اراسىنداعى ىنتى­­ماقتاستىقتى ودان ءارى نى­عايتۋ, زاماناۋي تەاتر ونە­رى­نىڭ وزىق ۇلگىلەرىن كورسەتۋ, حالىقارالىق بايلانىس­تار­دى دامىتۋعا قولداۋ كور­سەتۋ, جاڭا ساحنالىق ستيل­دەردىڭ تانىمال بولۋىنا جاع­داي جاساۋ ماقساتىندا ۇيىم­داستىرىلعان. مادەني دودا اياسىندا تۇركسوي-عا مۇشە 6 ەلدىڭ تەاتر ۇجىمدارى كورەرمەنگە ءوز تۋىندىلارىن ۇسىندى. اتاپ ايتساق, سامار­قاند مۋزىكالىق-درا­­ما تەاترى (وزبەكستان), قاسى­ما­لى جان­توشەۆ اتىنداعى ­ىس­تىق­كول مۋزىكالىق-دراما تەاترى (قىرعىزستان), تۇركىس­تان مۋ­زىكالىق-دراما تەاترى (قازاقستان), ىستان­بۇل مەم­لە­كەتتىك تەاترى (تۇر­كيا), ماقتىمق ۇلى اتىنداعى ­مۋ­­زى­كالىق-دراما تەاترى ­(تۇر­ىك­­مەنستان) جانە ازەر­بايجان مەم­لەكەتتىك اكادە­­ميا­لىق ۇلت­تىق دراما تەاترى ءتورت كۇن بويى ساحنادا باق سىناستى.

ونەر جارىسىنىڭ العاش­قى كۇنى ازەربايجان مەملەكەت­تىك اكادەميالىق ۇلتتىق دراما تەاترى حالىق جازۋشىسى ءىلياس ەفەنديەۆتىڭ ء«امىرشى مەن قىزى» پەساسى بويىن­شا ساح­نالانعان «قاراباح­ناما» سپەك­تاكلىن ۇسىندى. قازاقستان اتى­نان تۇركىستان وبلىسىنىڭ ما­دەنيەت جانە تۋريزم باس­قار­ماسىنىڭ تۇر­كىستان مۋزى­كا­لىق-دراما تەاترى باكۋ حالىق تەاترىنىڭ ساحناسىندا «قورقىت تۋرالى اڭىز» پلاس­تيكالىق سپەكتاك­لىن قوي­­دى. ليبرەتتو اۆتورى – جا­زۋ­شى, دراماتۋرگ ەرمەك امانشاەۆ. قو­يىلىمنىڭ قويۋ­شى رەجيسسەرى جانە حورەوگرافى – كونستانتين سەمەنوۆ. كوركەمدىك جەتەكشىسى – اينۇر كوپباساروۆا.

ء «بىزدىڭ قويىلىم ادامدى كوپ نارسەنى ويلاۋعا ماج­بۇرلەيتىن فيلوسوفيا­لىق با­عىتتى ۇستانادى. ماسە­لەن, اتا-بابالارىمىزدىڭ رۋحاني تامىرىنىڭ نەگىزى نە, سىرى نەدە؟ كورەرمەن زالدان ويلانىپ شىعىپ, وسى جانە وسىعان ۇقساس سۇراقتارعا جاۋاپ ىزدەي باستاسا, بۇل ءبىزدىڭ قوعامدى وياتۋ ميسسياسىنىڭ ورىندالعانىن بىلدىرەدى», دەيدى تەاتردىڭ كوركەمدىك جەتەكشىسى.

تەاتر ترۋپپاسى كەلەسى جىل­دىڭ ناۋرىز ايىندا «قور­قىت تۋرالى اڭىز» پلاس­تي­كا­لىق قويىلىمىمەن فران­تسيا­نىڭ ليون قالاسىنا اتتانادى. ال ءساۋىر ايىندا ديانا ۆيشنەۆا زاماناۋي حورەوگرافيا فەستيۆالىنە قاتىسادى.