كۋاگەرلەردىڭ ايتۋىنشا, ازامات جۇرگىنشىلەر جولاعىنان ءوتىپ بارا جاتقان. قاتتى جىلدامدىقپەن كەلگەن موپەد ءرولىن يگەرە الماي بارىپ ادامدى سوققان. وقيعا ورنىنا جەتكەن پوليتسەيلەر قازىر تەرگەۋ جۇمىسى باستالعانىن ايتتى.
– اتالمىش كولىك وقيعاسى 3 قاراشادا ساعات 13:00-دە بوستاندىق اۋدانىندا بولدى. 2004 جىلى تۋىلعان و. ەسىمدى ازامات موپەدتى تىزگىندەي وتىرىپ, تيميريازەۆ كوشەسىمەن باتىسقا قاراي كەتىپ بارا جاتىپ, جاياۋ جۇرگىنشىلەر جولاعىنان ءوتىپ بارا جاتقان 64 جىلعى ج. ەسىمدى جۇرگىنشىنى قاعىپ كەتتى. اتالمىش دەرەك بويىنشا الماتى پد انىقتاۋ باسقارماسىندا قك 345-بابىنىڭ 3-تارماعى بويىنشا قىلمىستىق ءىس قوزعالىپ, ءتيىستى ساراپتامالىق زەرتتەۋ تاعايىندالدى, – دەدى الماتى قالالىق پوليتسيا دەپارتامەنتىنىڭ ءباسپاسوز حاتشىسى سالتانات ازىربەك.
