«جارمەڭكە ەلوردا تۇرعىندارىن الەۋمەتتىك جاعىنان قولداۋ ماقساتىندا ۇيىمداستىرىلدى. جارمەڭكەگە ەت جانە ءتۇرلى ازىق-ت ۇلىك تاۋارلار كوپ مولشەردە جەتكىزىلەدى. تاۋارلار تۇرعىندارعا قولجەتىمدى باعادا ساتىلادى. تاۋار ساپاسى دا جوعارى. جارمەڭكەگە نەگىزىنەن ۋنيۆەرسيتەتىمىزدىڭ قوسالقى شارۋاشىلىقتارىندا عالىمدارىمىز بەن ستۋدەنتتەرىمىزدىڭ وسىرگەن اۋىل شارۋاشىلىق ونىمدەرى مەن ۋنيۆەرسيتەت سەرىكتەستەرىنىڭ وندىرگەن ونىمدەرى ساۋداعا شىعارىلدى», دەدى س.سەيفۋللين اتىنداعى قازاتزۋ قارجى ديرەكتورى ە.ك.اراپباەۆ.
جارمەڭكەگە قالا تۇرعىندارىنىڭ قازىرگى سۇرانىسىنا يە دەلدالسىز تىكەلەي كەلگەن ونىمدەر شىعارىلدى. اتاپ ايتقاندا, 10 توننا ەت, 200 كگ بالىق, 25 توننا جەمىس پەن كوكونىس, 10 توننا ءسۇت ونىمدەرى مەن كونديتەرلىك ونىمدەر ساتىلدى. مۇنداعى قاۋىپسىز جانە قۇنارلى ونىمدەر قالا تۇرعىندارىنا, ۋنيۆەرسيتەت قىزمەتكەرلەرى مەن ستۋدەنتتەرگە قولجەتىمدى باعادا ساتىلعانىن اتاپ وتۋگە ابدەن بولادى. جارمەڭكەدە ساتىلعان تاۋارلاردىڭ بارلىعى تاۋاردىڭ وزىندىك قۇنىمەن ساتىلعاندىقتان, جارمەڭكەنى ۇيىمداستىرۋداعى نەگىزگى ماقسات – قىس ايىنا قامدانعان قالا تۇرعىندارىنا قولايلى جاعداي جاساۋ.
جارمەڭكەنى قازاتزۋ باسقارما مۇشەسى, ءبىرىنشى پرورەكتور ا.ابديروۆ كىرىسپە سوزبەن اشىپ, جارمەڭكە جۇمىسىنا ساتتىلىك, ساتۋشىلار مەن تۇتىنۋشىلارعا تابىس تىلەدى. اۋىل شارۋاشىلىق مينيسترلىگىنىڭ اگرارلىق ازىق-ت ۇلىك نارىقتارى جانە اۋىل شارۋاشىلىعى ءونىمىن قايتا وڭدەۋ دەپارتامەنتى باسشىسىنىڭ مىندەتىن اتقارۋشى ش.احمەتوۆ مينيسترلىك تاراپىنان بۇل شاراعا قولداۋ ءبىلدىرىپ, ۇيىمداستىرۋشىلارعا ريزاشىلىعىن جەتكىزدى. استانا قالاسى سارىارقا اۋدانى اكىمىنىڭ ورىنباسارى م.جالپىباەۆ قاتىسىپ, جارمەڭكەگە جينالعان قاۋىمعا بەرەكە, جارمەڭكەنى ۇيىمداستىرۋشى س.سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتىنىڭ باسشىلىعىنىڭ بۇل باستاماسىنىڭ جالعاستى بولۋىنا تىلەكتەستىگىن ءبىلدىردى. سونداي-اق ءىرى اۋىل شارۋاشىلىق ۇيىمىنىڭ قۇرىلتايشىسى س.ەسكەندىروۆ ءوز كەزەگىندە ۋنيۆەرسيتەت تۇلەگى ەكەندىگىن ماقتان تۇتاتىنىن, سوندىقتان دا ءبىلىمنىڭ قارا شاڭىراعىندا وتەتىن ءىس-شارالارعا اركەز قولداۋ بىلدىرەتىنىن اتاپ ايتتى.
ۋنيۆەرسيتەت تاراپىنان جارمەڭكەگە قاتىسۋشىلار ءۇشىن ارنايى كونتسەرتتىك جانە سپورتتىق باعدارلامالار ۇيىمداستىرىلدى. سىرتتا ورناتىلعان LED ەكراننان قازاتزۋ تۋرالى بەينەفيلمدەر كورسەتىلىپ, جارمەڭكەگە كەلۋشىلەرگە ۋنيۆەرسيتەت تۋرالى مول ماعلۇمات بەرىلدى.
جارمەڭكەگە كەلگەن قالا جۇرتشىلىعى, ۋنيۆەرسيتەت قىزمەتكەرلەرى مەن ستۋدەنتتەر اراسىندا گىر كوتەرۋدەن جارىس ۇيىمداستىرىلدى.
وتە تارتىستى دا قىزىقتى وتكەن جارىستىڭ ناتيجەسىندە:
1-ءشى ورىن ا. يسمايلوۆ - قازاتزۋ شارۋاشىلىق ءبولىمىنىڭ قىزمەتكەرى (دانەكەرلەۋشى);
2-ءشى ورىن ا. ابدىركەن - قالا تۇرعىنى;
3-ءشى ورىن ب. نۋرتيلاحان – قازاتزۋ تەحنيكالىق فاكۋلتەتىنىڭ 1-كۋرس ستۋدەنتى جەڭىپ الدى.
جەڭىمپاز بەن جۇلدەگەرلەرگە ارنايى ۋنيۆەرسيتەت اكىمشىلىگى مەن كاسىپكەرلىكتى دامىتۋ جانە كومەرتسياليزاتسيالاۋ دەپارتامەنتى تاعايىنداعان ارنايى سىيلىقتار تابىس ەتىلدى.
جارمەڭكە كورىگىن قىزدىرعان س.سەيفۋللين ۋنيۆەرسيتەتىنىڭ سەرىكتەستەستەرىنە قازاتزۋ باسقارما توراعاسى-رەكتورى م.تىرەۋوۆتىڭ العىس حاتى تابىس ەتىلدى.
