City Transportation Systems كولىك كومپانياسى مەن قالالىق پوليتسيا دەپارتامەنتى وقيعاعا تۇسىنىك بەردى.
CTS مالىمەتىنشە, 2 قاراشا كۇنى ساعات 15:49-دا ابىلاي حان داڭعىلى – جانسۇگىروۆ كوشەسىنىڭ قيىلىسىندا №33 اۆتوبۋستىڭ جۇرگىزۋشىسى ءوز باعىتى بويىنشا كەلە جاتىپ, باعدارشامنىڭ قىزىل ءتۇسى جانىپ تۇرعاندا جولدى كەسىپ ءوتىپ بارا جاتقان جاياۋ جۇرگىنشىنى قاعىپ كەتكەن.
"جاياۋ جۇرگىنشى №1 كوپسالالى قالالىق اۋرۋحاناعا جەتكىزىلدى. اۆتوبۋستىڭ جىلدامدىعى ساعاتىنا 20 شاقىرىم بولعان.
جۇرگىزۋشى جول ەرەجەسىن بۇزباعان, اپات بولماعان. جۇمىس تاجىريبەسى 6 جىلدان اسادى. ساپار الدىندا 05:30-دا مەديتسينالىق تەكسەرۋدەن وتكەن. دەمالىستان كەيىن بۇگىن جۇمىسقا شىققان", - دەدى كولىك كومپانياسى.
الايدا استانا پوليتسيا دەپارتامەنتى باسقا اقپارات تاراتتى. ولاردىڭ مالىمەتىنشە, ايەل باعدارشامنىڭ جاسىل ءتۇسى جانعاندا ءوتىپ بارا جاتقان. استانالىق پوليتسەيلەر جول-كولىك وقيعاسى بويىنشا تەرگەۋ جۇرگىزىپ جاتىر.
