– ۇكىمەت حالىق ءۇشىن ارزان باعامەن گاز بەرەدى. ال سىزدەر سونى سىرتقا ساتىپ, پايدا تاباسىزدار. ارزانداتىلعان گازدى حالىقتىڭ اۋزىنان جىرىپ, قىمباتقا ساتۋعا جول بەرمەيمىز, – دەدى ايماق باسشىسى.
قازىر وبلىس ورتالىعى مەن اۋدانداردا كوميسسيا قۇرىلىپ, الەۋمەتتىك گازدىڭ تۇرعىندارعا اشىق جانە ءادىل تاراتىلۋىن قاداعالاپ وتىر. مۇنان بولەك, وبلىستىڭ تۇركىستان, اقتوبە, جەزقازعانمەن شەكاراسىنا ارنايى بەكەتتەر قويىلىپ, الەۋمەتتىك گازدى تاسىمالداۋ قاتاڭ باقىلاۋعا الىندى. بۇل توپ گازدى تيەپ-جونەلتۋدەن باستاپ, تۇتىنۋشىعا ساتۋعا دەيىن باقىلاۋ جاسايدى.
باسەكەلەستىكتى قورعاۋ جانە دامىتۋ اگەنتتىگى توراعاسىنىڭ 2022 جىلعى 5 شىلدەدەگى №16 بۇيرىعىمەن قىزىلوردا وبلىسىنىڭ اۋماعىنداعى اۆتوگاز قۇيۋ ستانسالارىندا سۇيىتىلعان مۇناي گازىن بولشەك ساۋدادا وتكىزۋدىڭ شەكتى باعالارى بەكىتىلگەن.
بۇگىنگى كۇنى وبلىستا سۇيىتىلعان مۇناي گازى قورى – 221 توننا. قازاننىڭ جيىرما جەتىسىندە قوسىمشا تاعى 224 توننا ءبولىندى. وسى قاراشا ايىنا 7 458 توننا سۇيىق گاز قاراستىرىلعان. ونىڭ 4 740 تونناسى «قازگەرمۇناي» كومپانياسىنان ءبولىنىپ, ءبىرىنشى ونكۇندىكتە 1 840 تونناسى جوسپارعا سايكەس جەتكىزىلەدى.
ءماجىلىس قورىتىندىسىندا بارلىق وپەراتورعا گازدى ساتۋعا قاتىستى شەكتەۋلەردى الىپ تاستاۋ قاتاڭ تاپسىرىلدى.
