«قوعام كوستەنكو اتىنداعى شاحتاداعى قايعىلى وقيعاعا كىنالىلەردى جاۋاپقا تارتۋ قاجەتتىلىگى تۋرالى ماسەلەنى ورىندى كوتەرىپ وتىر. مۇنداي قايعىلى وقيعالارعا كىنالىلەر جەڭىل جازامەن قۇتىلىپ كەتپەۋى كەرەك. قىلمىستىق زاڭناما ونەركاسىپتىك قاۋىپسىزدىكتى قامتاماسىز ەتۋدىڭ ءتيىمدى قۇرالىنا اينالۋى ءتيىس», دەدى دەپۋتات.
سونداي-اق سەناتور قازاقستان ۇكىمەتىنىڭ باسشىسىنا كەلەشەكتە مۇنداي قايعىلى جاعدايلاردى جويۋ ءۇشىن ونەركاسىپتىك قاۋىپسىزدىككە ءتيىمدى ءتاسىلدىڭ مۇمكىندىكتەرىن قاراستىرۋدى ۇسىندى.
ەستەرىڭىزگە سالا كەتەيىك, 28 قازاندا كوستەنكو شاحتاسىندا مەتان گازى جارىلعان ەدى. جارىلىس تولقىنىنىڭ تارالۋ دياپازونى 2 كم-دەن استام بولدى. قاراعاندى وبلىسىندا قازا تاپقان 46 كەنشىنىڭ بارلىعىنىڭ ءمايىتى تابىلىپ, ولاردىڭ تولىق ءتىزىمى جاريالاندى.
پرەزيدەنت قاسىم-جومارت توقاەۆ قازاقستان ۇكىمەتىنە «ارسەلورميتتال تەمىرتاۋ» اق-مەن ىنتىماقتاستىقتى توقتاتۋدى تاپسىردى. كەنشىلەردىڭ ولىمىنە قاتىستى قىلمىستىق ءىس قوزعالدى. ۇكىمەت «ارسەلورميتتال تەمىرتاۋ» اق مەنشىگىن قازاقستاننىڭ پايداسىنا بەرۋ جونىندەگى مامىلە قازىردىڭ وزىندە اياقتالىپ جاتقانىن مالىمدەدى. پرەزيدەنت امت باسقارۋدى قاراعاندى وبلىسى اكىمىنىڭ بۇرىنعى ورىنباسارى ۆاديم باسينگە تاپسىردى.
