ۇكىمەت باسشىسى 2024 جىلى ۇلتتىق قوردان بولىنەتىن نىسانالى ترانسفەرتتەردىڭ كولەمى 1,6 ترلن تەڭگەنى قۇرايتىنىن اتاپ ءوتتى.
«اتالعان قاراجات الەۋمەتتىك ماڭىزى بار جانە ستراتەگيالىق ينفراقۇرىلىمدىق جوبالاردى قارجىلاندىرۋعا باعىتتالادى», دەدى ءاليحان سمايىلوۆ.
سونىمەن قاتار ول الداعى جىلدارى مەملەكەتتىك بيۋدجەت كىرىسىنىڭ وسۋىنە بايلانىستى نىسانالى ترانسفەرتتەر كولەمى ازاياتىنىن ايتتى.
«ول ءۇشىن ءبىز ءتيىستى ينۆەستيتسيالاردى تارتۋ جانە ەكونوميكانىڭ ناقتى سەكتورىن قارجىلاندىرۋ ماسەلەلەرىن شەشەتىن بولامىز. اتاپ ايتقاندا, بۇل شاعىن جانە ورتا بيزنەستى, سونداي-اق اگروونەركاسىپ كەشەنىن مەملەكەتتىك قولداۋعا قاتىستى», دەدى پرەمەر-مينيستر.
ونىڭ ايتۋىنشا, بۇگىندە ۇكىمەت شيكىزاتتىق ەمەس سەكتوردى قوسا العاندا, جالپى قۇنى 32 تريلليون تەڭگەنى قۇرايتىن 970 ءىرى ينۆەستيتسيالىق جوبانى جۇزەگە اسىرۋ بويىنشا جۇمىس جۇرگىزۋدە.
سونىمەن قاتار ء«تاريفتى ينۆەستيتسياعا ايىرباستاۋ» باعدارلاماسى ارقىلى ينجەنەرلىك ينفراقۇرىلىمدى جاڭعىرتۋ بويىنشا شارالار قابىلداناتىن بولادى, بۇل دا ەل ەكونوميكاسىنىڭ ناقتى سەكتورىن دامىتۋعا وڭ اسەرىن تيگىزەدى.
«كەلەسى جىلى ءبىز ەكونوميكانى 5,3%, ودان ءارى كەمىندە 6% دەڭگەيىندە وسەدى دەپ بولجاپ وتىرمىز. بيۋدجەت كىرىسىن ارتتىرۋ ءۇشىن ەكونوميكانى دامىتۋعا, سالىقتىق اكىمشىلەندىرۋدى جەتىلدىرۋگە جانە كولەڭكەلى ەكونوميكاعا قارسى كۇرەسكە باسا نازار اۋدارامىز. ءبىز اتالعان ماسەلەلەردىڭ بارلىعىمەن كەشەندى تۇردە اينالىساتىن بولامىز», دەپ تۇيىندەدى ءسوزىن ءاليحان سمايىلوۆ.
