قازاقستان فرانتسيانىڭ اتوم ەلەكتر ستانسالارىنا قاجەتتى ۋراننىڭ جارتىسىن بەرەدى. شيكى مۇناي جەتكىزۋ جونىنەن ەكىنشى ورىندا تۇر.
فرانتسيا – قازاقستان ءۇشىن ايماقتاعى الەۋەتتى ارىپتەس. سونداي-اق كسرو ىدىراعاننان كەيىن قازاقستانمەن ستراتەگيالىق ارىپتەستىك تۋرالى كەلىسىمگە قول قويعان ەۋروپاداعى العاشقى مەملەكەت. فرانسۋا ميتتەران بۇل ەلگە 1994 جىلى ات باسىن تىرەگەن العاشقى باتىس مەملەكەت باسشىسى بولدى. 2014 جىلى فرانتسيا پرەزيدەنتى فرانسۋا وللاند قازاقستانعا باردى. پرەزيدەنت قاسىم-جومارت توقاەۆ فرانتسياعا وسىدان ءبىر جىل بۇرىن, 2022 جىلدىڭ قاراشاسىندا كەلگەن ەدى.
شەتەلدىك ينۆەستيتسيانى تارتۋ ءۇشىن قازاقستاندا بىرنەشە سالىقسىز ايماق قۇرىلدى. ەلدە جوعارى دەڭگەيدەگى قۇقىقتىق جانە فيسكالدىق تۇراقتىلىق بار. بۇل كاسىپكەرلەردىڭ سەنىمىن ارتتىرادى. جۇمىس كۇشىنىڭ الەۋەتى مول, حالقىنىڭ 40 پايىزى – 25 جاسقا دەيىنگى ازاماتتار. جاقىن كۇندەرى قازاقستان حالقىنىڭ سانى 20 ميلليوننان اسقانىن جاريالاماق.
استاناعا ساپارلاعان فرانتسيا دەلەگاتسياسىنىڭ قۇرامىندا يندۋستريا, سىرتقى ساۋدا مينيسترلەرى, سونداي-اق 15-كە جۋىق كومپانيا باسشىسى, سونىڭ ىشىندە «EDF», «Suez» جانە «Orano» باس ديرەكتورلارى بار. «Orano» فرانتسيانىڭ ۋران قاجەتتىلىگىنىڭ 12 پايىزىن جانە الەمدىك ءوندىرىستىڭ 7 پايىزىن قامتاماسىز ەتەتىن «قازاتومپروممەن» سەرىكتەسە جۇمىس ىستەيتىن ۋران كەنىشىن باسقارادى.
«EDF» ازاماتتىق اتوم ەنەرگەتيكاسى مەن اتوم ەنەرگياسىن وندىرۋدەگى تاجىريبەسىن تانىستىرادى. ويتكەنى قازاقستان اەس سالۋ ماسەلەسىن رەفەرەندۋمعا شىعارادى. «Suez» باس ديرەكتورىنىڭ استاناعا بارۋى باسقا دا كەلىسىمشارتتار جاسالاتىنىنان حابار بەرەدى.
جان-باتيست جيرو,
«ÉconomieMatin» باسىلىمى
