ماقسات – دوكترينانى ىسكە اسىرۋ

ورال قالاسىندا ۇلتتىق بىرلىك دوكتريناسىن جۇزەگە اسىرۋ ماسە­لە­لەرىن تالقىلاۋعا ارنالعان ء“دوڭ­گەلەك ۇستەل” ءماجىلىسى وتكىزىلدى. وعان جايىق وڭىرىندەگى ەتنومادەني ءبىر­لەستىكتەردىڭ جەتەكشىلەرى, مەم­لەكەتتىك ۇيىم­داردىڭ باس­شى­لارى جانە بۇ­قارالىق اقپارات قۇرالدارىنىڭ وكىلدەرى قاتىستى. ولار ۇلتتىق بىرلىك دوكتريناسىن تولىعىمەن ماقۇلداپ, ونى ىسكە اسىرۋ ءجو­نىندە ءوز ويلارىن ورتاعا سالدى. جيىننىڭ نەگىزگى ءمانى مەن ماقساتى جانە ونىڭ باستى ءتۇيىنى تۋرالى باتىس قازاقستان وب­لىس­تىق قازاقستان حالقى اسسام­بلەيا­سى توراعاسىنىڭ ورىن­با­سارى قۋانىشباي تولەباەۆ گازەت تىلشىسىنە بىلايشا مالىمدەدى: – وتكەن جىلى ەل  جۇرت­شى­لىعىنىڭ تالقىلاۋىنا ۇسى­نىل­عان دوكترينا جوباسى ولاردىڭ تارا­پىنان وڭ قولداۋعا يە بولدى. كەيىن جوبا قوعامدىق پىكىر بىلدىرگەن سىن-ەسكەرت­پە­لەر­مەن جانە ۇسىنىس-پىكىرلەرمەن تو­لىقتىرىلدى. ودان ءارى ءوڭ­دەلدى. سودان سوڭ وسى سوڭعى نۇس­قانى بيىلعى جىلى ەل پرەزيدەنتى نۇرسۇلتان نازارباەۆ ءوز شەشى­مى­مەن بەكىتتى. ءارى ۇكىمەتكە دوك­تري­نانى ىسكە اسىرۋ جولدارى جونىندە ءتيىستى تاپسىرمالار بەردى. وسىعان وراي بيىل ۇكىمەتتىڭ ارنايى قاۋلىسى بويىنشا دوكترينانى ىسكە اسىرۋدىڭ ءىس-شارالارى بەكىتىلدى. رەسپۋب­لي­كا­داعى وبلىستىق اسسامبلەيالار ونى ويداعىداي ورىنداۋعا ءوز ۇلەستەرىن قوسۋعا ءتيىس. “دوڭگەلەك ۇستەلدىڭ” باستى ماقساتى, مىنە, وسى ارناعا باعىتتالدى. بۇگىنگى كەزەڭدە بارشا قازاق­ستان­دىقتاردى بىرىكتىرۋ مەن ودان ءارى توپتاستىرۋ, ولاردى ءبىر ماقساتقا جۇمىلدىرۋ ىسىندە قازاق حالقىنا جۇكتەلىپ وتىرعان جاۋاپكەرشىلىك جوعارى. ۇلتتىق بىرلىك دوكتريناسىنىڭ نەگىزگى ءتىنى وسى ۇستانىمنان تۋىندايدى. كىم-كىمگە دە قۇشاعى ايقارا اشىق قازاق حالقى بۇل تاريحي ميسسيانى ابىرويمەن اتقارىپ شىعا الاتىنىنا ەشقانداي كۇمان جوق. “دوڭگەلەك ۇستەلگە” قاتىسۋشىلار دا وسى شىندىقتى تولىعىمەن قۋاتتادى. تەمىر قۇسايىن,ورال.