جامبىل وبلىسى توتەنشە جاعدايلار دەپارتامەنتى ءباسپاسوز قىزمەتىنىڭ حابارلاۋىنشا, 31 قازان كۇنى كۇندىز ساعات 16:22-دە جەدەل باسقارۋ ورتالىعىنا سارىكەمەر كەنتىندەگى جانار-جاعارماي قۇيۋ بەكەتىنىڭ جانىندا 20 توننالىق «كاماز» گاز تاسىمالداعىشى ورتەنگەنى جايلى حابار جەتكەن.
بايزاق اۋدانىنىڭ ورتالىعى سانالاتىن سارىكەمەر اۋىلى تاراز قالاسىنان 20 شاقىرىم جەردە ورنالاسقان.
«وقيعا ورنىنا دەرەۋ جەكە قۇرامنان 33 ادام مەن 9 تەحنيكا جونەلتىلدى. قازىر ءورتتى ءسوندىرۋ بويىنشا بارلىق قاجەتتى جۇمىس جۇرگىزىلىپ جاتىر. وقيعا سالدارىنان زارداپ شەككەندەر تىركەلگەن جوق. ءورتتىڭ سەبەبى مەن شىعىنى انىقتالىپ جاتىر», دەدى ۆەدومستۆودان.
