قايتىس بولعان ادامدى جەرلەۋگە مەملەكەتتەن جاردەماقى بەرىلەتىنىن بىلەسىز بە؟

رەداكتسيا زاڭگەرى ۆەنەرا نۇرعاليقىزىنىڭ ايتۋىنشا, مۇنداي ءبىر رەتتىك جاردەماقىنى ەكى جولمەن الۋعا بولادى.

1. قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينىستىرلىگىنە egov.kz پورتالى نەمەسە حالىققا قىزمەت كورسەتۋ ورتالىعى ارقىلى ارىز بەرە ارىز الاسىز.

2. ال بىرىڭعاي زەينەتاقى قورىنان الاتىن بولساڭىز, سول مەكەمەگە بارىپ ارىز تاستايسىز.

تاپسىرىلاتىن قۇجاتتار ءتىزىمى:
– قايتىس بولعان ادامنىڭ زەينەتاقى قورى بار تۋىسىنىڭ جەكە باسىن كۋالاندىراتىن تولقۇجات;
– مارقۇمنىڭ قايتىس بولعانىن راستايتىن كۋالىگى;
– جاردەماقى الۋشىنىڭ بانكتىك شوتى تۋرالى اقپارات.

جاردەماقى الۋشى وسى قۇجاتتاردى جاقىنى قايتىس بولعاننان كەيىنگى 15 كۇننىڭ ىشىندە راسىمدەپ وتكىزۋ كەرەك. قۇجاتتار تاپسىرىلعان سوڭ رەسپۋبليكالىق بيۋجەتتەن تولەنەتىن جاردەماقى كولەمى 35 اەك – ول 120 750 تەڭگە كولەمىن قۇرايدى جانە 3 كۇندە الۋعا رۇقساتى شىعادى.

ال بىرىڭعاي زەينەتاقى قورىنا تاپسىرىلعان قۇجاتتار جاۋابى قايتىس بولعان ادامنىڭ زەينەتاقى قورى بولسا, 94 اەك (324 300 تەڭگە) كولەمىندە بەرىلەدى جانە 5 كۇن ىشىندە رۇقساتى كەلەدى.