دەپۋتاتتاردىڭ تالقىلاۋىنا ەستونيامەن ادامداردىڭ رەادميسسياسى تۋرالى ۇكىمەتارالىق كەلىسىمدى راتيفيكاتسيالاۋ تۋرالى زاڭ جوباسىن قاراۋ ۇسىنىلادى.
قۇجات ەكى ەل اراسىنداعى ىنتىماقتاستىق تەتىگىن قۇرۋعا, سونداي-اق زاڭسىز كوشى-قونعا قارسى كۇرەستىڭ تيىمدىلىگىن ارتتىرۋعا مۇمكىندىك بەرەدى. كەلىسىم قازاقستان مەن ەستونيا اۋماقتارىندا ۇلتتىق زاڭنامالاردى بۇزعان ادامداردى قابىلداۋ, بەرۋ جانە ترانزيتتەۋ ماسەلەلەرى بويىنشا تاراپتاردىڭ قۇزىرەتتى ورگاندارى اراسىنداعى قارىم-قاتىناستى رەتتەيدى. سونىمەن قاتار اقپاراتتىق قاۋىپسىزدىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ەكىنشى وقىلىمدا قاراۋ ۇسىنىلدى.
جالپى وتىرىستا تۇركى مەملەكەتتەرى ۇيىمىنا مۇشە ەلدەردىڭ ۇكىمەتتەرى اراسىنداعى وڭايلاتىلعان كەدەن ءدالىزىن قۇرۋ تۋرالى كەلىسىمدى راتيفيكاتسيالاۋ تۋرالى زاڭ جوباسىن جۇمىسقا الۋ كوزدەلىپ وتىر.
