توتەنشە جاعدايلار دەپارتامەنتى وقيعانىڭ ابايسىزدا بولعانىن حابارلادى.
«29 قازان كۇنى ساعات 19:17-دە «102» قىزمەتىنەن حابارلاما ءتۇستى. اباي اۋدانى اسار-2 شاعىناۋدانىندا كوپقاباتتى تۇرعىن ءۇيدىڭ بەسىنشى قاباتىنان ابايسىزدا پاتەر يەسىنىڭ 2003 جىلعى تۋىلعان قىزى قۇلاپ, ءارتۇرلى جاراقاتتارمەن اۋرۋحاناعا جاتقىزىلعان. وقيعانىڭ ءمان-جايىن پوليتسيا دەپارتامەنتىنىڭ قىزمەتكەرلەرى انىقتاپ جاتىر», دەدى شىمكەنت توتەنشە جاعدايلار دەپارتامەنتى داعدارىس جاعدايلارى باسقارماسىنىڭ جەدەل كەزەكشىسى ءالىمجان حاديدحانوۆ.
دەگەنمەن ۇلكەن بيىكتىكتەن قۇلاعان قىز اۋىر جاراقات الماعان. ماماندار بارلىق تەكسەرۋدەن سوڭ امبۋلاتوريالىق ەم تاعايىنداعان.
«اناسىنىڭ ايتۋىنشا, سول ماڭدا جۇرگەن ەر ادامدار قىزىن قاعىپ العان. سول ساتتە ماڭداي جانە بەتىنىڭ اسفالتكە ۇرىلعانىن ايتادى. وقيعا ورنىنا جەدەل جاردەم بريگاداسى شاقىرىلىپ, وبلىستىق كلينيكالىق اۋرۋحانانىڭ قابىلداۋ بولىمشەسىنە جەتكىزىلگەن. كەزەكشى دارىگەرلەرمەن قارالىپ, بارلىق تەكسەرۋدەن ءوتتى"», دەدى وبلىستىق كلينيكالىق اۋرۋحانا حيرۋرگى تيمۋر تۇرعانبەكوۆ.
