فوتو: ن.بايبۋلين
قىتايدىڭ حانچجوۋ قالاسىندا وتكەن ءىV جازعى ازيا پارا ويىندارىندارىن بوچچادان قازاقستان قۇراماسى جالپىكوماندالىق ەسەپتە سەگىزىنشى ورىنعا تابان تىرەگەن بولاتىن.
ماۋلەن اشىمباەۆ بوچچاشىلاردىڭ العاش رەت ازيا پارا ويىندارىنا قاتىسقانىنا قاراماستان ء ىرى دودادا لايىقتى شەبەرلىك تانىتقانىنا العىسىن ايتتى. قازاقستان قۇراماسى يران, كورەيا, گونكونگ, تايلاند, جاپونيا سىندى ەلدەردىڭ اتلەتتەرىمەن سىنعا ءتۇستى.
«جارىس جولىندا سىزدەر تاباندىلىق پەن توزىمدىلىك تانىتا بىلدىڭىزدەر. ازيا پارا ويىندارىنا قاتىسۋ ارقىلى مول تاجىريبە جيناپ, وتاندىق بوچچا تاريحىنداعى جاڭا كەزەڭگە جول اشتىڭىزدار. جەڭىس دەگەنىمىز – قيىندىقتار مەن كەدەرگىلەردى ەڭسەرىپ, ءوز ماقساتتارىڭا قول جەتكىزۋ. قىتايداعى سايىستا قارسىلاستاردىڭ تاجىريبەلى قۇرامالار بولعانى بەلگىلى. سوندىقتان جالپىكوماندالىق ەسەپتە سەگىزىنشى ورىن الۋدىڭ ءوزى ايتارلىقتاي ناتيجە. ءبىز وسى سايىستا ءوزىمىزدىڭ ءالى دە بولسا جەتىلدىرەتىن تۇستارىمىزدى انىقتاپ الدىق. الداعى ۋاقىتتا سول باعىتتار بويىنشا جۇمىس ىستەيمىز», دەدى بوچچا فەدەراتسياسىنىڭ پرەزيدەنتى.
كەزدەسۋدە ماۋلەن اشىمباەۆ جەتىستىككە توقمەيىلسىمەي كەلەسى سايىستاردا بۇدان دا جوعارى ناتيجە كورسەتۋ ءۇشىن جاتتىعۋ جۇمىستارىن جۇيەلى تۇردە جالعاستىرا بەرۋدىڭ ماڭىزى زور ەكەنىن, كەلەر جىلى دا ءباسى بيىك جارىستارعا قاتىسۋ جوسپارى تۇزىلگەنىن ايتتى.
«فەدەراتسيانىڭ جوسپارىنا سايكەس جەلتوقسان ايىندا بوچچادان ەل كۋبوگى ساراپقا سالىنادى. كەلەسى جىلى تاعى التى سايىس وتكىزۋ كوزدەلىپ وتىر. سوندىقتان قارقىنىمىزدى باسەڭدەتۋگە ەش نەگىز جوق. پرەزيدەنتىمىز قاسىم-جومارت كەمەل ۇلى توقاەۆ ەلىمىزدە سپورت سالاسىن دامىتۋ ءۇشىن تۇبەگەيلى وزگەرىستەر قاجەت ەكەنىن ايتتى. بۇل رەتتە نەگىزگى باعىتتاردىڭ ءبىرى باسقارۋ ساپاسىن جاقسارتۋ, سونداي-اق, تۋريزم جانە سپورت مينيسترلىگى, ۇلتتىق وليمپيادالىق كوميتەت جانە سپورت فەدەراتسيالارى اراسىنداعى جۇمىس ۇيلەسىمدىلىگىن ارتتىرۋ ەكەنى ءسوزسىز. وسىعان بايلانىستى قازاقستان بوچچا فەدەراتسياسى دا جاتتىقتىرۋشىلار قۇرامىمەن جۇمىستى جەتىلدىرەدى جانە وڭ ناتيجەلەرگە قول جەتكىزۋ جولىندا باسقا دا شارالاردى قابىلدايدى», دەدى. قىتايدا وتكەن ازيا پارا ويىندارىندا بوچچادان باق سىناعان ۇلتتىق قۇراما ساپىندا مەيىربەك ورازبەك, قۋانىش اسقاربەكوۆ, يتيانا شىڭعىسحانوۆا جانە تەمىرلان التىنسارى دوداعا قاتىستى.
