فوتو: اقوردا
پرەزيدەنتكە ۇسىنىلعان دەرەكتەرگە سايكەس, ينۆەستيتسيالىق جوبالاردى قارجىلاندىرۋ كولەمى 511 ميلليارد تەڭگەنى قۇراعان. سونىمەن قاتار شاعىن جانە ورتا بيزنەستىڭ 18,1 مىڭ جوباسىنا قولداۋ كورسەتىلىپ, شامامەن 1 تريلليون تەڭگە كولەمىندە كرەديت بەرىلگەن. اگروونەركاسىپ كەشەنىن قولداۋعا 447 ميلليارد تەڭگە قارجى بولىنگەن. جىل باسىنان بەرى 811,2 مىڭ شارشى مەتر تۇرعىن ءۇي پايدالانۋعا بەرىلىپ, 47 مىڭعا جۋىق وتباسى باسپانالى بولعان.
بۇدان بولەك, مەملەكەت باسشىسىنا حولدينگتى ترانسفورماتسيالاۋ جانە تسيفرلاندىرۋ ءۇشىن قابىلدانىپ جاتقان شارالار تۋرالى مالىمەت بەرىلدى. «بايتەرەك» الداعى ەكى جىلدا ەكونوميكانىڭ شيكىزاتتىق ەمەس سەكتورىن قولداۋ اۋقىمىن ەكى ەسە ارتتىرماق. ينۆەستيتسيا تارتۋ جانە كوممەرتسيالىق بانكتەردى وڭدەۋ ونەركاسىبى جوبالارىن كرەديتتەۋگە جۇمىلدىرۋ جۇمىستارى جاندانا تۇسەدى.
ىشكى نارىقتى قامتاماسىز ەتۋ جانە اگروونەركاسىپ كەشەنىنىڭ ەكسپورتتىق الەۋەتىن ارتتىرۋ ماقساتىندا تاماق ونەركاسىبى جوبالارىن قارجىلاندىرۋ باعدارلامالارى ىسكە قوسىلادى, سونداي-اق تولىققاندى ەكسپورت-كرەديت اگەنتتىگى قۇرىلادى.
مەملەكەت باسشىسىنىڭ مونوقالالار, اۋدان ورتالىقتارى مەن اۋىل تۇرعىندارىن باسپانامەن قامتۋ جونىندەگى تاپسىرماسىن ورىنداۋ ماقساتىندا حولدينگتىڭ تۇرعىن ءۇي باعىتىنداعى قىزمەتى ترانفورماتسيالانادى.
نۇرلان بايبازاروۆ حولدينگكە ەنشىلەس ۇيىمداردىڭ بارلىق قىزمەتىن تسيفرلىق فورماتقا كوشىرۋ جوسپارلانىپ وتىرعانىن جەتكىزدى.
كەزدەسۋ سوڭىندا مەملەكەت باسشىسى ەكونوميكالىق ءوسىمدى قولداۋ جانە ازاماتتاردىڭ تۇرمىس دەڭگەيىن جاقسارتۋ ءۇشىن جاڭا تاسىلدەر ەنگىزۋ ماڭىزدى ەكەنىن اتاپ ءوتتى. سونداي-اق «بايتەرەك» حولدينگىنىڭ جۇمىسىن جەتىلدىرۋگە قاتىستى بىرقاتار مىندەت جۇكتەدى.
