فوتو: Polisia.kz
كۇدىكتى ەكىباستۇز قالاسىنداعى اۆتومەكتەپتەردىڭ بىرىندە بەيرەسمي ەسەپشى بولىپ جۇمىس ىستەگەن. ول بىلتىرعى قازان ايىنان بيىلعى ماۋسىم ايى ورتاسىنا دەيىن «مەملەكەتتىك مەكەمەلەردە تانىسىم بار, قاجەتتى ساناتتاعى جۇرگىزۋشى كۋالىكتەرىن الىپ بەرەمىن» دەپ ازاماتتاردى الداپ كەلگەن.
اۆتومەكتەپ وقۋشىلارى وعان 150 مىڭ تەڭگەدەن 400 مىڭ تەڭگەگە دەيىن (قاجەتتى ساناتقا بايلانىستى) اقشالاي قاراجاتتى جۇبايىنىڭ شوتىنا اۋدارىپ وتىرعان.
كەيىن ەشقانداي ناتيجە بولماعاندىقتان, ازاماتتار پوليتسياعا جۇگىنگەن. الاياقتىڭ تورىنا پاۆلودار وبلىسىمەن قوسا, كورشىلەس اقمولا وبلىسى تۇرعىندارى دا تۇسكەن. قازىرگى ۋاقىتتا 48-گە جۋىق الدانعان ازامات انىقتالىپ وتىر. تۇرعىندارعا 8 ملن تەڭگەدەن استام شىعىن كەلتىرىلگەن.
«فاكتى بويىنشا قازاقستان رەسپۋبليكاسى قك-ءنىڭ 4-تارماعى 3-بولىگىنىڭ 190-بابى (الاياقتىق) بويىنشا سوتقا دەيىنگى تەرگەپ-تەكسەرۋ جۇرگىزىلەدى. الاياقتىق جاسادى دەگەن كۇدىكتى ايەلگە قاتىستى كەلۋ تۋرالى مىندەتتەمە بۇلتارتپاۋ شاراسى تاڭدالدى», دەيدى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى.
