فوتو: اشىق دەرەككوز
قاراعاندى وبلىسىنىڭ اكىمدىگى مەن «ارسەلورميتتال تەمىرتاۋ» كومپانياسى قازا تاپقانداردىڭ تۋىستارىنا جەرلەۋ راسىمدەرىن ۇيىمداستىرىپ, قارجىلاي كومەك كورسەتەدى.
ەسكە سالا كەتەيىك, 28 قازان كۇنى ساعات 02.33-تە قاراعاندى وبلىسىنداعى «ارسەلورميتتال تەمىرتاۋ» كومپانياسىنا تيەسىلى كوستەنكو شاحتاسىندا جارىلىس بولدى. اپات كەزىندە شاحتادا 252 ادام بولعان, 205 كەنشى جەر بەتىنە شىعارىلعان.
باس پروكۋراتۋرا كوستەنكو اتىنداعى شاحتاداعى وقيعاعا قاتىستى قىلمىستىق ءىس قوزعادى. بولجام بويىنشا, لاۆادا گاز مەتانىنىڭ جارىلىسى بولعان.
وقيعا ورنىنا قازاقستان پرەزيدەنتى قاسىم-جومارت توقاەۆ باردى. مەملەكەت باسشىسى قازا بولعان كەنشىلەردىڭ تۋعان-تۋىستارى مەن جاقىندارىنا كوڭىل ايتتى. مەملەكەت باسشىسىنىڭ تاپسىرماسى بويىنشا ولارعا جان-جاقتى كومەك كورسەتىلەدى.
سونداي-اق مەملەكەت باسشىسى «ارسەلورميتتال تەمىرتاۋ» كومپانياسىمەن ينۆەستيتسيالىق ىنتىماقتاستىقتى توقتاتۋدى تاپسىردى.
قازىر «ارسەلورميتتال تەمىرتاۋ» اق-عا قاراستى 8 شاحتانىڭ جۇمىسى توقتاتىلدى.
