ونىڭ مالىمەتىنشە, جىل باسىنان بەرى ازاماتتاردى ينتەرنەت ارقىلى الداۋعا بايلانىستى 15,5 مىڭ قىلمىس تىركەلگەن. بۇل ارەكەتتەردىڭ سالدارىنان زارداپ شەككەندەرگە 13 ملرد تەڭگەسىن جوعالتقان.
ء«الى دە الاياقتاردىڭ ەڭ كوپ تارالعان ءادىسى — ونلاين ساۋدا. ونلاين ساۋدامەن بايلانىستى 7 مىڭ الاياقتىق جاسالدى. بانكتەردە جانە ميكروكرەديتتىك ۇيىمداردا جالعان ونلاين قارىز راسىمدەۋدىڭ 1 600 فاكتىسى تىركەلگەن.
ازاماتتار اقشانى تەز كوبەيتۋ ءۇشىن, ولاردىڭ كۇماندىلىگىنە قاراماستان ءارتۇرلى سحەمالارعا قاتىسۋدى جالعاستىرىپ جاتىر. ءبىر جىل ىشىندە 1200 قازاقستاندىق وسىنداي سحەمالاردىڭ قۇربانى بولدى, ولار ءوز اقشالارىن جۇمىس ىستەمەيتىن ينۆەستيتسيالىق جوبالارعا سالعان. كەي جاعدايلاردا وسى ماقساتتار ءۇشىن نەسيە العاندار بار», دەدى ورتالىق باسشىسى.
رۇستەم دۇيسەتاەۆ الاياقتار ءىرى كومپانيالاردىڭ, سونىڭ ىشىندە ۇلتتىق كومپانيالاردىڭ, بانكتەردىڭ, كريپتوبيرجالاردىڭ اتىنان جالعان سايت قۇرۋ ارقىلى ازاماتتاردى قىزىقتىراتىنىن دا اتاپ ءوتتى. بۇل رەتتە «مەنەدجەرلەرمەن» جانە «بروكەرلەرمەن» بارلىق قارىم-قاتىناس ونلاين رەجيمدە, ونىڭ ىشىندە مەسسەندجەرلەر ارقىلى وتەدى. كەيبىر جاعدايلاردا الاياقتار ۇلكەن سومانى تارتۋ ءۇشىن ءبىر رەتتىك ديۆيدەند تولەيدى.
