«الەۋمەتتىك جەلىلەردە كوستەنكو اتىنداعى شاحتادا ورىن العان وقيعانىڭ ۆيدەوسى تارالدى. بۇل ۆيدەو شىندىققا سايكەس كەلمەيدى دەپ رەسمي تۇردە مالىمدەيمىز. رەسمي دەرەككوزدەرگە عانا سەنىپ, جالعان اقپارات تاراتپاۋلارىڭىدى سۇرايمىز», – دەپ حابارلادى قاراعاندى وبلىسىنىڭ اكىمدىگى.
Stopfake.kz سايتىنىڭ مالىمەتىنشە, بۇل ۆيدەو قازاقستاندا تۇسىرىلمەگەن. ول بىرنەشە جازبادان تۇرادى. ولاردىڭ ءبىرى جەلىدە 2022 جىلدىڭ ماۋسىمىندا تاراعان. ۆيدەودا سەۆيليادا (يسپانيا) دوس- ەرماناستاعى اليۋميني زاۋىتىندا ورىن العان ءورت كورسەتىلگەن.
ال اق-قارا كادرلار – بۇل 2014 جىلدىڭ مامىرىندا تۇركيانىڭ سوما قالاسىنداعى شاحتادا ارتى ورتكە ۇلاسقان جارىلىس كەزىندە بەينەباقىلاۋ كامەرالارىنا ءتۇسىپ قالعان كادرلار.
تاعى ءبىر ۆيدەودا قىتايدىڭ شانسي پروۆينتسياسىندا لۋليان كومىر شاحتاسىندا بولعان اپات كورسەتىلگەن.
تارالعان ۆيدەونىڭ قازاقستانعا قاتىسى جوق.
