بالالاردىڭ اكەسى باۋىرجان جۇماعازىنىڭ ايتۋىنشا, سول كۇنى ايەلى بالالاردى ۇيگە تاستاپ, بازارعا ءسۇت ساتۋعا كەتكەن ەكەن.
"4-5 ليتر ءسۇت ساتادى, ءليترى 500 تەڭگەدەن. ءوزىمنىڭ ايلىعىم – 100 مىڭ تەڭگە. ءبىر شەتىنەن شىعايىن, تيىنداپ بولسىن اقشا تابايىن دەگەن نيەتى عوي. بالالارىما مەملەكەتتەن ايىنا 55 مىڭ تەڭگە الەۋمەتتىك كومەك الىپ كەلدىك", - دەيدى باۋىرجان جۇماعازى.
ءدال سول كۇنى, 25 قازاندا كۇن جىلى بولىپ, ۇيگە پەش جاعىلماعان. ك ۇلىن الىپ, وت جاعۋعا دايىنداپ قويعان ەكەن.
"كەلىنشەگىم سىرىڭكەنى بالالاردان تاسا جەرگە ىلعي تىعىپ قويادى. سول كۇنى عانا پەشكە وت جاقپاعانبىز. ەشكىم جوقتا بالالار سىرىڭكەنى تاۋىپ الىپ جاعىپ ويناعان عوي. بۇنداي سۇمدىقتىڭ بولارىن سەزبەپپىن. ەڭ بولماسا ءتۇس كورسەمشى. جۇمىسسىز قالسام دا بالالارىمنىڭ قاسىنان اتتاپ شىقپاۋشى ەدىم", - دەيدى بالالاردىڭ اكەسى.
وتباسىنىڭ 2 سيىرى عانا بار ەكەن. بالالاردىڭ اناسى اراي ارتىلعان ءسۇتتى ساتىپ, تيىنعا تيىن قۇراعان.
ءوزى "قازىعۇل" اۋرۋحاناسىندا كولىك جۇرگىزۋشىسى بولىپ جۇمىس ىستەيدى ەكەن. بالالاردىڭ اناسى ءۇي شارۋاسىندا. وتباسى اكە-شەشەسىنىڭ ۇيىندە تۇرعان. باسپانانىڭ كولەمى – 70-80 شارشى مەتر. ءتورت بالانىڭ ەكەۋى مەكتەپتە 1-2 سىنىپتاردا وقىعان.
مەكتەپتەگى مۇعالىمدەرى وقۋشىلاردىڭ كۇتىمى جاقسى بولعانىن ايتادى.
ء"ىشىمىز الاي-دۇلەي, ەسىمىزدى جيا الار ەمەسپىز. ءبىز ءۇشىن وتە اۋىر سوققى بولدى. سول كۇنى مەرەكە ەمەس, ساباق بولسا وقۋشىلارىمىز امان بولار ما ەدى دەپ تە ويلايمىز. ەكى وقۋشىمىز دا مۇنتازداي, ساباعى, ءتارتىبى جاقسى بولاتىن. ساباقتان قالمايتىن. اتا-انالارى دا جاۋاپكەرشىلىگى مول ادامدار", – دەيدى مارقۇم بۇلدىرشىندەردىڭ سىنىپ جەتەكشىلەرى.
ەسكە سالساق, بۇعان دەيىن اباي وبلىسىنىڭ اياگوز قالاسىندا ءۇي ورتەنىپ, ءتورت بالانىڭ قازا تاپقانى تۋرالى جازعان بولاتىنبىز. ءتورت بالانىڭ ولىمىنە قاتىستى تەرگەۋ باستالدى.
