ويىل, قوبدا, ىرعىز اۋداندارىندا جانە اقتوبە قالاسىندا وبلىستىق سايلاۋ كوميسسيالارىنىڭ مۇشەلەرىمەن كەزدەسكەن ول ارىپتەستەرىمەن الداعى سايلاۋدى ۇيىمداستىرۋ مەن وتكىزۋگە, ۇگىت-ناسيحات قىزمەتىنىڭ قۇقىقتىق رەتتەلۋىنە, مۇگەدەكتىگى بار ازاماتتاردىڭ سايلاۋ قۇقىقتارىن قامتاماسىز ەتۋگە, بايقاۋشىلاردىڭ, ۇمىتكەرلەردىڭ سەنىم بىلدىرىلگەن ادامدارىنىڭ, بۇقارالىق اقپارات قۇرالدارى وكىلدەرىنىڭ جۇمىس جاعدايلارىنا قاتىستى ناقتى ماسەلەلەردى تالقىلادى.
وسك توراعاسىنىڭ ورىنباسارى اۋداندىق سايلاۋ كوميسسيالارىنىڭ ۋچاسكەلىك سايلاۋ كوميسسيالارى مۇشەلەرى ءۇشىن وتكىزگەن وقۋ ءىس-شارالارىنا قاتىستى. ۇيىمداستىرىلعان وقۋ ترەنينگتەرى شەڭبەرىندە ۋچاسكەلىك كوميسسيانىڭ داۋىس بەرۋ كۇنىنە دەيىنگى جانە سايلاۋ كۇنگى جۇمىسى بويىنشا تاجىريبەلىك كەيستەردى پىسىقتاۋعا, سايلاۋ قۇجاتتارىنىڭ نىساندارىن تولتىرۋ تارتىبىنە, ۋچاسكەلىك كوميسسيا مۇشەلەرىنىڭ سايلاۋ ءۇردىسىنىڭ باسقا قاتىسۋشىلارىمەن ءوزارا ءىس-قيمىلىنا باستى نازار اۋدارىلدى. ءىس-شارالارعا وڭىردەگى ۋچاسكەلىك سايلاۋ كوميسسيالارىنىڭ 180-نەن اسا مۇشەسى قاتىستى.
كونستانتين پەتروۆ الداعى سايلاۋ ناۋقاندارىنا قاتىساتىن پيلوتتىق اۋداندار مەن اقتوبە قالاسىنداعى سايلاۋ ۋچاسكەلەرىنىڭ دايىندىعىن دا تەكسەردى.
بيىل 29 قازاندا 11 وڭىردەگى 21 وكرۋگتە شىعىپ قالعان دەپۋتاتتاردىڭ ورنىنا ءماسليحات دەپۋتاتتارىن سايلاۋ وتەدى, ال 5 قاراشادا قاناتقاقتى اۋداندار مەن وبلىستىق ماڭىزى بار قالالاردا 45 اكىم سايلانادى.
