قاراشادا جىلى جانە ايازدى كۇندەر ءجيى اۋىسادى, اي بويى جاۋىن-شاشىن ءتۇسىپ, ەكپىندى جەل سوعادى. سولتۇستىك وبلىستاردا كەي كۇندەرى بۇرقاسىن بولۋى مۇمكىن, ەل اۋماعىندا كوكتايعاق پەن تۇمان بولادى.
«رەسپۋبليكانىڭ سولتۇستىك جارتىسىندا, شىعىسىندا جانە ورتالىعىندا ايدىڭ ەكىنشى جارتىسىندا قىسقى ايازدى اۋا رايى بولادى.
سۋىق اۋا ماسسالارىنىڭ ەنۋىمەن ەڭ سۋىق كۇندەردەگى تەرمومەترلەر تومەندەيدى:
رەسپۋبليكانىڭ سولتۇستىگىندە تۇندە -20-27°س, كۇندىز -8-13°س دەيىن;
وڭتۇستىك جارتىسى مەن وڭتۇستىك-باتىسىندا تۇندە -3-12°س, كۇندىز -1+5°س دەيىن», دەپ جازدى ۆەدومستۆودان.
يران مەن جەرورتا تەڭىزى ايماقتارىنان جىلى اۋا ماسسالارى كەلگەندە اۋا رايى جىلىنادى:
رەسپۋبليكانىڭ وڭتۇستىك جارتىسىندا كۇندىز +8+17°س دەيىن;
سولتۇستىك جارتىسىندا +3+10°س دەيىن.
قازاقستاننىڭ باسىم بولىگىندە اۋا تەمپەراتۋراسى نورمادان 1° شاماسىندا نەمەسە ودان جوعارى, قيىر سولتۇستىگىندە -1° تومەن بولادى.
رەسپۋبليكانىڭ باسىم بولىگىندە جاۋىن-شاشىن مولشەرى نورماعا جاقىن, رەسپۋبليكانىڭ ورتالىق جانە شىعىس وبلىستارىندا, سونداي-اق وڭتۇستىگى مەن وڭتۇستىك-شىعىسىنداعى تاۋلى جانە تاۋ بوكتەرىندەگى ايماقتا نورمادان جوعارى بولادى. قىستا جاۋىن-شاشىن مولشەرى نورماعا جۋىق نەمەسە ودان جوعارى جىلى بولادى. سۋىق كەزەڭدە رەسپۋبليكا اۋماعىنا اتلانتيكالىق ايماقتاردان جىلى جانە ىلعالدى اۋا ماسسالارى كىرەدى.
الداعى قىستا قازاقستاننىڭ بارلىق اۋماعىندا اۋا تەمپەراتۋراسى كليماتتىق نورمادان باسىم 1-2° جوعارى بولادى. تەك جەلتوقساندا قازاقستاننىڭ باسىم بولىگىندە اۋا تەمپەراتۋراسى كليماتتىق نورما شەگىندە, ال سولتۇستىگى مەن شىعىسىندا نورمادان 1° تومەن بولادى.
قاڭتار جانە اقپاندا ەلىمىزدىڭ باسىم بولىگىندە جاۋىن-شاشىن نورماعا جاقىن نەمەسە ودان جوعارى بولادى, جەلتوقساندا جاۋىن-شاشىن نورماعا جاقىن, رەسپۋبليكانىڭ سولتۇستىك جارتىسىندا نورمادان تومەن بولادى.
ناۋرىزدا قازاقستاندا اۋانىڭ ورتاشا ايلىق تەمپەراتۋراسى نورمادان 2°س جوعارى بولادى دەپ بولجانىپ وتىر. ەلىمىزدىڭ باسىم بولىگىندە جاۋىن-شاشىن نورمادان جوعارى بولادى.
