اسكەر – ۇلت ايبارى

1990 جىلى 25 قازاندا «ەگە­­مەندىك تۋرالى» دەكلارا­تسيا قا­بىلداندى, ەلىمىز تاۋەل­سىز­دىككە بەت بۇردى, ازات بولۋ­دىڭ العىشارتى جاسال­دى. سون­دىق­تان ءبىز ءۇشىن بۇل كۇننىڭ ورنى ەرەكشە. وسىنداي ماڭىزدى قۇ­­جات­تىڭ قابىلدانۋى مەملە­كەت پەن حالىقتىڭ ءوسىپ-وركەن­دەۋىنە ايتارلىقتاي اسەر ەتتى. ەلىمىزدىڭ دا­مۋىن ءارى قا­راي جالعاستىراتىن بىرقا­تار ءۇر­دىس­تىڭ نەگىزى قا­لاندى. مەم­لە­كەتتىڭ بىرتۇ­تاستىعى, ونىڭ اۋما­­عى­نىڭ بو­لىن­بەي­تىندىگى مەن قول­سۇعىل­ماۋ­شى­لى­عى ەگە­­مەندىكتىڭ نەگىزگى قاعيدات­تارىنا اينالدى.

تاۋەلسىزدىك جىلدارىندا ەلىمىزدىڭ اسكەري-تەڭىز كۇشتەرى قازاقستان رەسپۋب­لي­كاسى قا­رۋلى كۇشتەرىنىڭ دەربەس ءتۇرى رەتىندە تۇپكىلىكتى قالىپتاستى. اسكەري تەڭىزشىلەردىڭ مىندەتى – ءبىرىنشى كەزەكتە كاسپي تەڭى­زىندەگى قازاقستاننىڭ ەگە­مەن­دىگى مەن مەملەكەتتىك مۇددە­لە­رىن قورعاۋ. اسكەري دوكترينا­دا اۋماق­تىق سۋلاردا جانە كاس­­پي تەڭىزى كون­تي­نەنتتىك قاي­­­راڭىنىڭ قازاقستان بولى­­گىندە مەملەكەتتىڭ ۇلتتىق مۇد­­دە­لەرىن قورعاۋ قاجەتتى­لىگى اتاپ وتىلگەن. سول سەبەپ­تى اسكە­­ري-تەڭىز كۇشتە­رى كاسپي تەڭى­­زىنىڭ ەلىمىزگە تيەسىلى اكۆاتو­ريا­سىندا مەملەكەتتىڭ قولسۇعىل­ماۋشىلىعى مەن اۋماق­تىق تۇتاستىعىن, ەگەمەندىگى مەن ەكونوميكالىق مۇددەلەرىن قور­عاۋ سياق­تى كەڭ اۋقىمدى مىن­دەتتەردى ابىرويمەن ورىنداپ كەلەدى.

وتاندىق جانە شەتەلدىك زاماناۋي كەمەلەرمەن جاراق­تانعان اسكەري-تەڭىز كۇشتە­رىنىڭ جەكە قۇرامى ەل اۋما­عىندا دا, ودان تىس جەرلەردە دە وتكىزى­لە­تىن اسكە­ري وقۋ-جاتتىعۋلارعا تۇراق­تى تۇردە قاتىسىپ تۇرا­دى. بۇلاردىڭ با­رىندە ەكيپاجداردىڭ دايار­لىق دەڭ­گەيى جەتىلدىرىلىپ, وقۋ-جاۋىنگەرلىك مىندەتتەردى ورىن­داۋ كەزىندە ولاردىڭ ءوزا­را ءىس-قيمىل جاساۋ ءتارتىبى پى­سىق­تالادى. وتكىزىلىپ جاتقان وقۋ-جات­تى­عۋلار ەلىمىزدىڭ اس­كەري-تەڭىز كۇشتەرى العا قويىلعان مىندەتتەردى ورىن­داۋعا جانە تەڭىزدەگى مەملەكەت­تىك مۇددەلەردى قورعاۋعا دايىن ەكەندىگىن كورسەتتى.

ساكەن بەكجانوۆ,

كونتر-ادميرال, اسكەري-تەڭىز كۇشتەرىنىڭ  باس قولباسشىسى