پرەزيدەنت قاسىم-جومارت توقاەۆتىڭ جارلىعىمەن بيىلعى مەملەكەتتىك سىيلىق «قازاقستان رەسپۋبليكاسىنىڭ اتوم-ەنەرگەتيكا سالاسىن قۇرۋعا جانە كومىرتەگى بەيتاراپتىعىنا قول جەتكىزۋ ستراتەگياسىن ىسكە اسىرۋعا ارنالعان الەمدىك دەڭگەيدەگى زەرتتەۋلەر مەن ازىرلەمەلەر» جۇمىسى ءۇشىن ەرلان باتىربەكوۆتىڭ جەتەكشىلىگىمەن قازاقستان رەسپۋبليكاسى ۇلتتىق يادرولىق ورتالىعىنىڭ اۆتورلار ۇجىمىنا بەرىلدى. اتالعان سىيلىق عىلىم مەن تەحنيكا سالاسىنداعى اسا ۇزدىك جەتىستىكتەرى ءۇشىن ەكى جىلدا ءبىر رەت بەرىلەدى.
بۇدان بۇرىن حابارلاعانىمىزداي, بۇگىن پرەزيدەنت جارلىعىمەن «قازاقستاننىڭ حالىق جازۋشىسى» اتانعان قالامگەرلەردىڭ جانە «قازاقستاننىڭ حالىق ءارتىسى» اتاعىن يەلەنگەن ونەر, مادەنيەت قايراتكەرلەرىنىڭ ەسىمى جاريالاندى.
سونىمەن قاتار ءۇش ادامعا «قازاقستاننىڭ ەڭبەك ەرى» اتاعى بەرىلگەنىن دە حابارلاعانبىز.
