«تالاپ» ورتالىعى ۇيىمداستىرعان كۋرس باعدارلاماسى ەلەكترەنەرگەتيكا جانە ەلەكترتەحنيكا, كولىك قۇرالدارى, ءسان جانە ديزاين, ءبىلىم, دەنساۋلىق ساقتاۋ, مەحانيكا جانە مەتالل وڭدەۋ, تاماقتانۋدى ۇيىمداستىرۋ, اۋديو ۆيزۋالدى قۇرالدار جانە مەديا ءوندىرىسى, توقىما, بيزنەس, باسقارۋ جانە قۇقىق, اقپاراتتىق-كوممۋنيكاتسيالىق تەحنولوگيالار, قۇرىلىس جۇمىستارى, شاشتاراز جانە كوسمەتولوگيالىق قىزمەتتەر, ماتەريالدار ءوندىرىسى باعىتتارىن قامتيدى.
اتالعان كۋرسقا الماتى قالاسىنىڭ تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىنان 500-گە جۋىق پەداگوگ قاتىسىپ, جۇمىس ءارى وقۋ باعدارلاماسىن ازىرلەۋ, كاسىپتىك ءبىلىم بەرۋدەگى نەگىزگى پەداگوگيكالىق تەحنولوگيالار, ءوندىرىس مامانىنا قويىلاتىن نەگىزگى تالاپتارعا قاتىستى بىلىكتىلىكتەرىن ارتتىرۋ ۇستىندە.
سونىمەن بىرگە تىڭداۋشىلار وقۋ باعدارلاماسىن ازىرلەۋگە داعدىلانىپ, ءبىلىم بەرۋدەگى پەداگوگيكالىق تەحنولوگيالاردى تاجىريبەدە قولداۋمەن قاتار سەرىكتەستىك-ىنتىماقتاستىق, تەرەڭ تىڭداۋ ءادىسى, ومىرلىك تەپە-تەڭدىك شەڭبەرى, قاناعاتتانۋ شكالاسى, لوگيكالىق دەڭگەيلەر پيراميداسى, ۋاقىت سىزىعى سياقتى ارنايى كوۋچينگ ادىستەرىن دە مەڭگەرىپ جاتىر. قاراستىرىلعان ءۇش مودۋل شەڭبەرىندە كۋرس تىڭداۋشىلارى وندىرىستىك بازالاردا قۇرىلعىلارمەن جۇمىس ىستەپ, ماماندارمەن تاجىريبە الماسۋى دا قاراستىرىلعان. سونداي-اق وسى كۋرس اياسىندا كوللەدج باسشىلارى مەن ادىسكەرلەرىنە ارنالعان ءتۇرلى تاقىرىپتاعى باعدارلامالار دا وقىتىلىپ جاتىر.
الماتى
