«بيىل رەسپۋبليكا كۇنىن مەرەكەلەۋ اياسىندا ەلوردادا 200-دەن استام مادەني-بۇقارالىق, سپورتتىق جانە الەۋمەتتىك ءىس-شارالار, ونىڭ ىشىندە مەرەكەلىك كونتسەرتتەر, اۆتوشەرۋلەر, كورمەلەر, بالالارعا ارنالعان كورىكتى جەرلەرگە ەكسكۋرسيالار, دوڭگەلەك ۇستەلدەر, ۇلتتىق سپورت تۇرلەرىنەن تۋرنيرلەر وتكىزۋ, حالىقتىڭ الەۋمەتتىك جاعدايى تومەن توپتارىنا ازىق-ت ۇلىك سەبەتىن تاراتۋ جانە باسقا دا كوپتەگەن ءىس-شارالار جوسپارلانىپ وتىر», دەدى ىشكى ساياسات باسقارماسىنىڭ باسشىسى نۇرداۋلەت ءالمۇحانوۆ.
ءىس-شارالار ورتالىق الاڭداردا دا, ءىرى وبەكتىلەردە دە, تۇرعىن ءۇي الاپتارىنىڭ اۋماعىندا دا, ءبىلىم بەرۋ ۇيىمدارىندا جانە ت.ب. ورىنداردا وتەدى. رەسپۋبليكا كۇنىنە وراي بىرقاتار ءىرى سپورتتىق ءىس-شارالاردى وتكىزۋ جوسپارلانعان, ونىڭ ىشىندە 21-22 قازاندا كونكۋردان قازاقستان رەسپۋبليكاسىنىڭ چەمپيوناتى, 23 قازاننان 6 قاراشاعا دەيىن جاستار مەن جاسوسپىرىمدەر اراسىنداعى بوكستان ازيا چەمپيوناتى بار. كورەرمەندەر ءۇشىن سپورت جارىستارىنا كىرۋ تەگىن.
مادەنيەت جانە ونەردى دامىتۋ ءبولىمىنىڭ باسشىسى اقەركە جۇمانباەۆا ەلوردادا جوسپارلانعان مادەني ءىس-شارالار تۋرالى ايتىپ بەردى.
23 قازان كۇنى استاناداعى م.گوركي اتىنداعى ورىس دراما تەاترى ء«اليا» دراماسىمەن تەاتر ماۋسىمىن اشادى دەپ جوسپارلانىپ وتىر.
24 قازان ساعات 18:00-دە ە.راحماديەۆ اتىنداعى مەملەكەتتىك اكادەميالىق فيلارمونيادا شىعارماشىلىق ۇجىمداردىڭ قاتىسۋىمەن مەرەكەلىك كونتسەرت وتەدى.
24 قازان «ناز» مەملەكەتتىك بي تەاترىنىڭ «رەسپۋبليكام قازاقستان» اتتى مەرەكەلىك كونتسەرتى وتەدى. باستالۋى 19:00-دە.
سونىمەن قاتار, 24 قازان كۇنى «بارىس ارەنادا» ساعات 20.00-دە قازاق ەلىنىڭ اتىن الەمگە تانىتىپ جۇرگەن, بىردەي ءۇش اۋەننىڭ باسىن قوسىپ, كۇيدىڭ قۇدىرەتىن الەمگە سەزىندىرگەن « ۇلىتاۋ» توبىنىڭ 25 جىلدىعىنا وراي كونتسەرت وتەدى.
سونىمەن قاتار, وسى كۇندەرى اۋدان اكىمدىكتەرىمەن بىرلەسىپ, استانا قالاسىنىڭ 5 اۋدانىنىڭ شەت ايماقتارىنداعى تۇرعىن الاپتارىندا مەرەكەلىك كونتسەرتتەر وتكىزىلەدى.
