تيمۋر تاشىمباەۆ قاساقانا ادام ءولتىرۋ قىلمىسى تومەندەگەنى بايقالعانىن اتاپ ءوتتى.
- بيىلعى 9 ايدا ادام ءولتىرۋ فاكتىلەرى 27,3% تومەندەگەن (578-دەن 420-عا دەيىن), ال وسىنداي قىلمىستاردىڭ اشىلۋى 94%-عا جوعارىلاعان. دەسە دە قاساقانا ادام ءولتىرۋدىڭ سەبەپتەرى بىرقاتار ماسەلەگە, ونىڭ ىشىندە پروفيلاكتيكانىڭ السىزدىگىنە تىكەلەي بايلانىستى. ادام ءولتىرۋدى تەرگەپ-تەكسەرۋدىڭ ساپاسى جانە قىلمىسكەرلەر ءۇشىن ءسوزسىز جازانىڭ بولۋى دا ماڭىزدى ماسەلەلەر بولىپ تابىلادى, - دەلىنگەن باس پروكۋراتۋرا تاراتقان مالىمەتتە.
جەدەل كەڭەستىڭ شەشىمىمەن پوليتسيا ورگاندارىنىڭ باسشىلارى مەن وبلىس پروكۋرورلارىنا اتالعان باعىتتا, ونىڭ ىشىندە «وتكەن جىلدارى» ادام ءولتىرۋ قىلمىستارىن اشۋ, جاسىرىنعان قىلمىسكەرلەردى, جوعالعان ازاماتتار مەن باسقالاردى ىزدەستىرۋ جونىندەگى جۇمىستى جانداندىرۋ تاپسىرىلدى.
