الماتى اكىمدىگىنىڭ مالىمەتىنشە, جولاۋشىلار مەن جۇك تاسىمالداۋ ەرەجەلەرىنە سايكەس قىزمەت كورسەتۋ «NEO city TRANS» جشس تاسىمالداۋشىعا بەرىلدى. وسى باعىت بويىنشا جولاۋشىلاردى تاسىمالداۋ ISUZU HC-40 ماركالى اۆتوبۋستار جۇرگىزەتىن بولادى.
الماتى اگلومەراتسياسىن دامىتۋ اياسىندا الماتىنىڭ قالالىق موبيلدىلىك باسقارماسى 2023 جىلى 25 ەلدى مەكەندى قامتيتىن جاڭا قالا ماڭىنداعى باعىتتاردى ۇيىمداستىرۋدى جوسپارلاۋدا.
بۇعان دەيىن 3 باعىت ىسكە قوسىلعان, ولار: №223 «ساياحات-نۇرا جانە تۋعانباي اۋىلدارى», №233 «قاراوي – ساياحات اۋىلى», № 240 «باتىر اۋىلى – «ادەم-1» ساۋدا ءۇيى, سولتۇستىك اينالما كوشەسى. قالعان باعىتتار ازىرلەنىپ جاتىر.
«الماتى جانە الماتى اگلومەراتسياسىن دامىتۋ جوسپارىنا سايكەس 2024 جىلدىڭ سوڭىنا دەيىن 20 جاڭا قالا ماڭىنداعى باعىتتاردى ۇيىمداستىرۋ كوزدەلگەن. ولاردىڭ ەسەبىنەن 50 ەلدى مەكەن قامتاماسىز ەتىلەدى», دەپ حابارلادى اكىمدىكتەن.
