جول اپاتىنىڭ سەبەبى نەدە؟

وبلىستىق پوليتسيا دەپار­تا­مەنتى پاترۋلدىك پوليتسيا رو­تاسىنىڭ كومان­ديرى, پوليتسيا كاپيتانى ادىلبەك شاح­مەتوۆتىڭ ايتۋىنشا, جول-كولىك وقيعا­لارىنا اسەر ەتەتىن بىرنەشە سەبەپ بار. بىرىنشىدەن, جۇرگىزۋشىلەر مەن جاياۋ جۇرگىنشىلەردىڭ دەنى جول قوز­عالىسى ەرەجەلەرىن ساق­تا­ماي­دى. ەكىنشىدەن, جۇر­گىزۋشى­لەر دە, جاياۋ جۇرگىنشىلەر دە قى­را­عىلىق پەن ساقتىققا ءمان بەر­مەيدى. ۇشىنشىدەن, جۇرگى­زۋشى­لەر جىل­دامدىقتى شامادان تىس اسىرادى. تورتىنشىدەن, باسىپ وزۋ ەرەجەسىن ورەس­كەل بۇزادى. وسىن­داي سەبەپتەردىڭ سالدارىنان ادام ولىمىنە ۇرىندىرار جول-كولىك وقيعالارىنىڭ سانى ازايماي تۇر.

«جىل باسىنان بەرى تاسجول­داردا جىلدامدىق رەجىمىن ساق­تاماعان 14 051 كولىك جۇرگىزۋشىسى انىقتالدى. ال 521 جۇرگىزۋشى ال­دىنداعى كولىكتى باسىپ وزۋ قاعي­داسىن بۇزعان. پاترۋلدىك پوليتسيا روتاسىنىڭ قىزمەتكەرلەرى وبلىستىق, رەسپۋبليكالىق ماڭى­زى بار تاسجولداردا كو­لىك قوزعالىسىن ۇدايى قاداعالا­عانىنا قاراماستان جۇرگىزۋشىلەر تاراپىنان وسىنداي قۇقىق بۇزۋ­شى­لىق تىركەلىپ وتىر. سول سەبەپتەن, كولىك جۇرگىزۋشىلەرى مەن جاياۋ جۇرگىنشىلەرگە جولدا ءجۇرۋ ەرەجەسىن قاتاڭ ساقتاۋدى ەسكەرتىپ كەلە­مىز. ويتكەنى جول ەرەجەسىن ساقتاۋ – دىتتەگەن جەرگە امان جە­تۋ­دىڭ كەپىلى», دەيدى ادىلبەك شاحمەتوۆ.

باسىپ وزۋ ەرەجەسىن ورسەكەل بۇزاتىن­دار قاتارىندا شەتەلدىك جۇرگىزۋشىلەر دە بار. سونداي جۇرگىزۋشىنىڭ ءبىرى – وزبەكستان رەسپۋبليكاسىنىڭ ازاماتى.

ء«بىز «بەلسەندى ازاماتتار 06» Telegram چاتىن قۇرعان ەدىك. وسى چاتقا رەسپۋبليكالىق ماڭىز­داعى «دوس­سور-قۇلسارى-بەي­نەۋ» تاسجولىندا با­سىپ وزۋ ەرەجەسىن ورەسكەل بۇزۋ دەرەگى­نە قاتىستى ۆيدەو-اقپارات ءتۇستى. پولي­تسيا قىزمەتكەرلەرى سول اقپاراتتا كورسە­تىلگەن «Chevrolet» اۆتوكو­لىگىن توقتاتتى. تەكسەرۋ كەزىندە 1997 جىلعى شەتەل ازاماتىنىڭ 2020 جىلى سوت شەشىمىمەن كولىك قۇرالىن باسقارۋ قۇقىعىنان ايىرىلعان. الايدا ول 2021 جىلى وزبەكستان رەسپۋبليكاسىنان جالعان جۇرگىزۋ كۋالىگىن جاساتىپ, كولىك رۋلىنە زاڭسىز وتىرعانى انىقتالدى», دەپ ءمالىم ەتتى ءا.شاحمەتوۆ.

جولدا ءجۇرۋ ەرەجەسىن بۇز­عا­نىمەن قويماي, ايىپپ ۇلىن تولەۋگە ءمان بەرمەي­تىن جۇرگىزۋ­شىلەر دە بار. اتىراۋ قالالىق پوليتسيا باسقارماسى پاترۋلدىك پوليتسيا باتالونىنىڭ كومان­ديرى, پوليتسيا مايورى داۋرەن ءناسيپوللانىڭ ايتۋىنشا, «قور­عاۋ – قاۋىپتى جۇرگىزۋشى», «سەر­گەك» اقپاراتتىق جۇيەسىنىڭ كومە­گىمەن قىركۇيەكتە 490 اكىمشىلىك قۇقىق بۇزۋ دەرەگى تىركەلگەن.

«قىركۇيەك ايىندا ايىپ­پ ۇلىن تولەمەگەن 1 092 اۆتوكولىك­تىڭ جۇرگىزۋ­شىسى انىقتالدى. ونىڭ ىشىندە 131 كولىك ايىپپۇل وندىرىلگەنگە دەيىن ارناۋلى تۇراق­قا قويىلدى. ال 900-گە جۋىق كولىك جۇرگىزۋشىسى ايىپپ ۇلىن ۇستالعان جەردە جەدەل تولەدى. جەدەل باسقارۋ ورتالىعىنىڭ بەينەباقىلاۋ قىزمەتكەرلەرى كەشكى ساعات 18:30 شاماسىندا «Interceptor» ىزدەۋ جۇيەسى ارقىلى «Hyundai» اۆتوكولىگىن انىقتادى. بۇل كولىك گرۋزيا رەس­پۋبليكاسىندا تىركەلگەن. پو­ليتسيا قىزمەتكەرلەرى تەكسەرۋ كەزىندە كولىك جۇرگىزۋشىسىنىڭ 330 مىڭ تەڭگەدەن اساتىن 20 ايىپ­­پ ۇلى بار ەكەنى انىقتالدى. كو­لىك جۇرگىزۋشىسىنە قاتىستى اكىم­شىلىك قۇقىق بۇزۋ كودەكسىنىڭ 785-بابىنا سايكەس حاتتاما تولتىرىلدى», دەيدى داۋرەن ءناسيپوللا.

وبلىستىق پوليتسيا دە­پار­تامەنتى پاترۋلدىك پوليتسيا رو­تاسىنىڭ كومان­ديرى, پوليتسيا كا­پيتانى ادىلبەك شاح­مەتوۆتىڭ دەرەگىنە سۇيەنسەك, جول بويىندا جۇرگەن ءتورت ت ۇلىكتىڭ كەسىرىنەن توعىز ايدا 111 جول-كولىك وقيعاسى تىركەلگەن. سونداي جول-كولىك وقيعاسىنىڭ ءبىرى 11 قازاندا تۇنگى ساعات 23:50 شاماسىندا «اقتوبە-اتىراۋ-استراحان» تاس­جولىنىڭ 577-شاقىرىمى تۇسىندا بول­عان. جىلقىنى قاققان «Lada Largus» اۆتو­كولىگىنىڭ جۇرگىزۋشىسى مەن جولاۋشىسى ءار­تۇرلى دە­نە جاراقاتىمەن وبلىستىق اۋرۋحاناعا جەتكىزىلدى.

وسىنداي تاعى ءبىر وقيعا 14 قازان­دا تىركەلىپ وتىر. جەرگىلىكتى ۋاقىت­پەن ساعات تاڭعى 06:45 شاماسىندا رەس­پۋب­ليكالىق ماڭىزى بار «اقتوبە-اتىراۋ-استراحان» تاسجولىنىڭ 352-شاقىرىمى تۇ­سىندا «Toyota Ipsum» اۆتوكولىگى 15 قويدى قاعىپ كەتكەن. تەكسەرۋ كەزىندە 1969 جىلعى ەر ادامنىڭ يەلىگىندەگى قويىن تاسجولدان وتكىزبەك بولعانى انىق­تال­دى. سوعان بايلانىستى مال يەسى­نە قاتىستى اكىمشىلىك قۇقىق بۇزۋ­شى­­لىق تۋرالى كودەكسىنىڭ 408-بابىمەن حاتتا­ما تولتىرىلىپ, اكىمشىلىك جاۋاپقا تارتىلدى.

«Toyota Ipsum» اۆتوكولىگى قىزىل­قوعا اۋدانىنىڭ ورتالىعى – ميالى اۋىلى­­نان اتىراۋ قا­لاسىنا باعىت العان. اۋداندىق پو­ليتسيا ءبولىمىنىڭ پاترۋل­دىك پو­ليتسيا قىزمەتكەرلەرى كولىك جۇ­ر­گىزۋشىسىنە ميالى اۋىلىنان شىعار كەزدە جول قوزعالىسى ەرەجەسىن قاتاڭ ساقتاۋ قاجەتتىگىن ەس­كەرت­كەن ەكەن. الايدا كو­لىك جۇر­گىزۋشىسى پوليتسيا قىزمەت­كەرلە­رىنىڭ ەسكەرتۋىن ەلەمەگەنگە ۇقسايدى.

ء«ۇي جانۋارلارىنىڭ كەسىرى­نەن تىر­­كە­لەتىن جول-كولىك وقيعا­لا­رىنىڭ باسىم بولىگى تۇنگى مەز­گىلدە بولادى. سەبەبى تۇندە اۆتو­كولىك جۇرگىزۋشىلەرى الىس جا­­رىق فارىن وزىنە قارسى ءجۇرىپ كەلە جات­قان اۆتوكولىك ابدەن جاقىن­داعان­شا وشىرمەيدى. سونىڭ سالدارىنان جۇرگىزۋ­شىنىڭ كوزى فارعا شاعىلىسىپ, جول ۇستىنەن وتكەن مالدى كورمەي, سوقتىعىسىپ جاتادى. ەگەر مال وتۋگە ارنالعان بەلگىسى ورنا­تىلعان اۋماقتا باق­تاشى بولعان كەزدە ءۇي جانۋا­رىن قاعاتىن بولسا, وندا كىنا جۇرگىزۋشىگە ارتىلادى. جولدىڭ مال ايداۋعا ارنالعان بەلگىسى جوق تۇسىندا جانە باقتاشى بولماعان جاعدايدا جاۋاپكەرشىلىك ءۇي جا­نۋارىنىڭ يەسىنە جۇكتەلە­دى. جىل باسىنان بەرى اكىمشىلىك قۇقىق بۇزۋشىلىق كودەكسىنىڭ 408-بابىمەن (اۋىل شارۋاشىلىعى جانۋارلارىن جايۋ قاعيدالارىن بۇزۋ) 583 ادام جاۋاپكەرشىلىككە تارتىلدى», دەدى ادىل­بەك شاحمەتوۆ.

اتىراۋ وبلىسى