فەستيۆال 24 قازانعا دەيىن جالعاسادى, جاس كورەرمەندەرگە قازاقستاننىڭ تۇكپىر-تۇكپىرىنەن, سونىمەن قاتار, الىس-جاقىن شەتەلدەردەن – وزبەكستان, پولشا, بولگاريا, گرۋزيا, تۇركيادان كەلگەن تەاترلار ۇجىمى ونەر كورسەتەدى.
رەسپۋبليكا كۇنى مەرەكەسى اياسىندا قالادا وزگە دە بىرقاتار شارا وتەدى:
21 قازان ساعات 10:00 - دە قالانىڭ بارلىق اۋدانىندا ەرىكتىلەر فرونت كەڭسەسىمەن بىرلەسكەن «جاڭا قازاقستان. تازا تابيعات» ەكولوگيالىق سەنبىلىگى وتەدى. سەنبىلىك اياسىندا قالا اۋماعىن تازارتۋ, رەكرەاتسيالىق ايماقتاردى, ساياباقتاردى, سكۆەرلەردى, اۋلا اۋماقتارىن جيناۋ, سونىمەن بىرگە جاپپاي اعاش وتىرعىزۋ جوسپارلانعان.
23 قازان ساعات 15:00-دە «الاتاۋ» ءداستۇرلى ونەر تەاترىندا ءداستۇرلى انشىلەردىڭ قاتىسۋىمەن «بايتاق ەلىم, قازاقستان» پاتريوتتىق مەرەكەلىك كونتسەرتى وتەدى. سونىمەن قاتار, جامبىل اتىنداعى فيلارمونيادا ەتنومادەني بىرلەستىك شىعارماشىلىق ۇجىمدارىنىڭ قاتىسۋىمەن كونتسەرت بولادى.
24 قازان ساعات 10:00-دە اباي اتىنداعى قازاق ۇلتتىق وپەرا جانە بالەت تەاترىندا مەملەكەتتىك ناگرادالارمەن ماراپاتتاۋ ءراسىمى وتەدى.
نەگىزگى مەرەكەلىك كونتسەرت رەسپۋبليكا كۇنىنە وراي ساعات 15:00-دە قازاقستان ەستراداسى جۇلدىزدارىنىڭ قاتىسۋىمەن رەسپۋبليكا سارايىندا ۇيىمداستىرىلادى.
بۇعان قوسا, ساعات 17.00-دە قۇرمانعازى اتىنداعى كونسەرۆاتوريادا وقۋ ورداسىنىڭ جەتەكشى ۇجىمدارى مەن سوليستەرىنىڭ قاتىسۋىمەن «جاساي بەر, قازاق ەلى» اتتى سالتاناتتى كونتسەرت بولادى.
رەسپۋبليكا كۇنى, 25 قازاندا ساعات 11:30-دا «مەدەۋ» بيىك تاۋلى سپورت كەشەنىندە مەملەكەتتىك تۋدى كوتەرۋ جانە قازاقستان ءانۇرانىن جاپپاي ورىنداۋ سالتاناتتى ءراسىمى وتەدى.
ءىس-شاراعا قالا جاستارى, قوعام قايراتكەرلەرى, الماتى قالاسى ءماسليحاتىنىڭ دەپۋتاتتارى جانە قازاقستان حالقى اسسامبلەياسىنىڭ وكىلدەرى قاتىسادى.
سونىمەن قاتار, سول كۇنى ساعات 11:00-دە جامبىل اتىنداعى قالالىق جاسوسپىرىمدەر كىتاپحاناسىندا «ەل وركەنىن وسىرگەن ازاتتىق» تاقىرىبىندا كۆيز جانە «دەكلاراتسيا –تاۋەلسىزدىكتى بەكىتۋدىڭ العاشقى قادامى» اتتى كورمە ۇيىمداستىرۋ جوسپاردا.
25 قازان ساعات 14:00-دە كوكتوبە ساياباعىندا «الماتى اۋەندەرى» شىعارماشىلىق ۇجىمىنىڭ قاتىسۋىمەن «جاساي بەر ماڭگى – قازاقستانىم» اتتى مەرەكەلىك كونتسەرت وتەدى.
وسى كۇنى قازاق مەملەكەتتىك تسيركىندە ساعات 16:00-دە رەسپۋبليكا كۇنىنە جانە اتاقتى كلوۋن ءارى سيقىرشى, تسيرك ءارتىسى كارىم مۇتىرعانوۆتىڭ 70 جىلدىعىنا وراي بەنەفيس ۇيىمداستىرىلادى. قوناقتارعا اكروباتتار, اۋە گيمناستتارى, جونگلەرلەر, ەكۆيليبريستەر, يلليۋزيونيستەر مەن سايقىمازاقتار قاتىساتىن شوۋ-باعدارلاما ۇسىنىلادى.
بۇعان قوسا, 25 قازاندا ساعات 20:00-دە استانا الاڭىندا رەسپۋبليكا كۇنىنە وراي مەرەكەلىك وتشاشۋ بولادى.
