ەۋروحاتتاما بويىنشا كولىك يەلەرى پوليتسيانىڭ قاتىسۋىنسىز نەمەسە سوتقا جۇگىنبەي-اق, بىراق بەلگىلى ءبىر شارتتاردى ساقتاي وتىرىپ, جەڭىل جول-كولىك وقيعالاردىڭ سالدارىنان كولىكتەرىنىڭ زاقىمدانۋى ءۇشىن ساقتاندىرۋ تولەمدەرىن الا الادى.
سونىمەن قاتار جول-كولىك وقيعاسىنا قاتىسۋشىلاردىڭ اراسىنداعى كەلىسپەۋشىلىكتىڭ الدىن الىپ, ولار اپاتقا كىمنىڭ كىنالى ەكەنىن كەلىسە وتىرىپ شەشۋ كەرەك. كەلتىرىلگەن شىعىن مولشەرى ءاربىر جكو-عا قاتىسۋشى ءۇشىن 100 اەك-تەن اسپاۋى كەرەك. 2024 جىلدىڭ 1 قاڭتارىنان باستاپ بۇل 369 مىڭ تەڭگەنى قۇرايدى. ساقتاندىرۋ جاعدايىن رەتتەۋدiڭ وڭايلاتىلعان ءتارتiبi بويىنشا ساقتاندىرۋ تولەمiن ىسكە اسىرعاننان كەيiن ساقتاندىرۋشىعا ءاربiر جەكە ساقتاندىرۋ جاعدايى بويىنشا كورسەتىلگەن سومانىڭ شەكتi مولشەرiنەن اساتىن زالالداردى وتەۋ تۋرالى قوسىمشا تالاپتاردى قويۋعا قۇقىعى جوق.
جانە تاعى ءبىر كەلەلى ماسەلە – ءۇشىنشى تۇلعالاردىڭ دەنساۋلىعى مەن مۇلكىنە زيان كەلتىرمەۋ. ياعني ەۋروحاتتامانى جول-كولىك وقيعاسىنىڭ ەكى قاتىسۋشىسى عانا پايدالانا الادى. ەگەر باسقا ادامدار نەمەسە باسقا كولىكتەر زارداپ شەككەن بولسا, وندا بۇل جەڭىلدەتىلگەن ءتارتىپ اپاتقا قاتىسۋشىلارعا قولدانىلمايدى. قازىرگى ۋاقىتتا «ەۋروحاتتاما» ءموبيلدى قوسىمشاسى سىناقتان وتۋدە, ونىڭ كومەگىمەن بيومەتريالىق سايكەستەندىرۋ ارقىلى ساقتاندىرۋ ۇيىمىنا تسيفرلىق قۇجاتتاردى, فوتوسۋرەتتەر مەن بەينەجازبالاردى قوسۋ ارقىلى ءوتىنىش بەرۋگە بولادى. ودان كەيىنگى كەزەڭدە قوسىمشانى قاناتقاقتى رەجىمدە تەستىلەۋ وتەدى, ول وسى جىلدىڭ سوڭىنا دەيىن جالعاسادى.
«ۇيالى تەلەفوندى پايدالانا وتىرىپ, كولىك يەلەرى قۇجاتتاردى دايىندايدى, ەكى تاراپ بويىنشا كەلىسىلگەن شارتقا سايكەس دەكلاراتسيا جاسالادى, ساقتاندىرۋ وقيعاسى تىركەلگەن جەرگە فوتوماتەريالدار قوسا تىركەلەدى. جول-كولىك وقيعاسىنا قاتىسۋشىلار ساقتاندىرۋشىدان دەكلاراتسيانى قابىلداعانى تۋرالى حابارلاما العانشا وقيعا ورنىنان كەتپەۋى كەرەك. دەكلاراتسياعا قوسا بەرىلگەن فوتوماتەريالدار ارقىلى اۆتوكولىكتىڭ ماركىسى, مودەلى, سايكەستەندىرۋ ءنومىرى, مەملەكەتتىك تىركەۋ ءنومىرى, سونداي-اق كولىك قۇرالدارىنا كەلتىرىلگەن زياننىڭ ءمان-جايلارى, كولىك قۇرالدارىنا كورىنەتىن زاقىمداردىڭ سيپاتى مەن تىزبەسى انىقتالماسا, جول-كولىك وقيعاسى بولعان جاعدايدا ساقتاندىرۋشى كولىك يەلەرىنەن فوتوماتەريالداردى قايتا جىبەرۋدى تالاپ ەتۋگە قۇقىلى», دەدى Freedom Insurance باسقارما توراعاسى ازامات كەرىمباەۆ.
«ەۋروحاتتامانىڭ» ارتىقشىلىقتارى قانداي؟ ءبىرىنشىسى – تولەم مەرزىمىن قىسقارتۋ. ەگەر ورتاشا تولەم 92 كۇن بولسا, ەندى ول 6 جۇمىس كۇنى بولادى. ەكىنشىسى – جول پوليتسياسى مەن سوتقا تۇسەتىن سالماقتى ازايتۋ. بۇل – كولىك كەپتەلىسىن جەڭىلدەتەدى. قازاقستان رەسپۋبليكاسى ىشكى ىستەر مينيسترلىگىنىڭ مالىمەتى بويىنشا, قازاقستاندا ورتا ەسەپپەن جەڭىل جول-كولىك وقيعالارىنىڭ سانى جالپى جكو سانىنىڭ شامامەن 40%-ىن قۇرايدى. 2022 جىلى ەلىمىزدىڭ جولدارىندا 100 مىڭنان استام جول-كولىك وقيعاسى تىركەلدى. ءۇشىنشى ارتىقشىلىق – ساقتاندىرۋعا دەگەن سەنىمنىڭ ارتۋى, ويتكەنى جاڭا قىزمەتتى ەنگىزۋ ساقتاندىرۋ تولەمدەرى پروتسەدۋراسىنىڭ باقىلاۋى مەن اشىقتىعىن قامتاماسىز ەتەدى. وسىلايشا, «ەۋروحاتتاما» ۇدەرىستى ايتارلىقتاي جەڭىلدەتەدى جانە ساقتاندىرۋ تولەمدەرىن الۋعا كەتەتىن ۋاقىتتى قىسقارتادى, سونداي-اق كولىك كەپتەلىسىن ازايتادى.
«رەتتەۋشى ءاربىر ساقتاندىرۋ ۇيىمىنا ءوزىنىڭ ۇيالى بايلانىس قىزمەتىن قۇرۋعا جاعداي جاسادى. وسىلايشا, بۇل سالاداعى مونوپوليانى جويدى», دەپ اتاپ ءوتتى ازامات كەرىمباەۆ, ءارى Freedom Insurance 2022 جىلدان باستاپ DTP.kz ونلاين-تولەمدەر سەرۆيسىن ەنگىزىپ, جۇمىس ىستەپ تۇرعانىن ايتتى.
DTP.kz – كولىك يەلەرى ساقتاندىرۋ تولەمىن بىرنەشە كۇن ىشىندە ونلاين الا الاتىن ارنايى تسيفرلىق پلاتفورما. ول ءۇشىن dtp.kz سايتىنا كىرىپ, جەكە كابينەت اشىپ, ءوتىنىش بەرۋ كەرەك. ءارى قاراي, نۇسقاۋلاردى ورىنداي وتىرىپ, اپات ورنىندا ەكى كولىكتى دە (سىزدىكى جانە جول-كولىك وقيعاسىنا جاۋاپتى) ءارتۇرلى بۇرىشتان, سونداي-اق كولىگىڭىزدىڭ ۆين-كودىن سۋرەتكە ءتۇسىرۋ كەرەك. وتىنىشكە تومەندەگى قۇجاتتاردى تىركەۋ قاجەت: جەكە كۋالىك, جۇرگىزۋشى كۋالىگى جانە كولىك قۇرالىن تىركەۋ كۋالىگى. مۇنى «تسيفرلىق قۇجاتتار» مەملەكەتتىك پورتالى ارقىلى جاساۋعا بولادى. ءارى قاراي حاتتامانىڭ فوتوسۋرەتىن, جول-كولىك وقيعاسىنىڭ سىزباسىن, تۇسىندىرمە جازباسىن قوسىپ, ەلەكتروندى وتىنىشكە قول قويۋ كەرەك. بىرنەشە رەت باسۋ جانە دۇرىس تولتىرىلعان جاعدايدا ساقتاندىرۋ تولەمى 1-7 كۇن ىشىندە كولىك يەسىنىڭ كارتاسىنا جىبەرىلەدى.
«زاماناۋي تەحنولوگيالار مەن ساقتاندىرۋ سەكتورىن تسيفرلاندىرۋ بويىنشا رەتتەۋشىنىڭ جۇرگىزىپ جاتقان جۇمىسىنىڭ ارقاسىندا ءبىز Dtp.kz كۇردەلى جاعدايلارعا ارنالعان بىرەگەي سەرۆيسىن قۇردىق. وتەماقى الۋدىڭ بارلىق ۇدەرىسى كليەنتتەرىمىزگە قولجەتىمدى بولۋ ءۇشىن بارىنشا قىسقا مەرزىمدە جانە وتە ىڭعايلى تسيفرلىق فورماتتا جۇزەگە اسادى», دەپ تۇيىندەدى ا.كەرىمباەۆ.
ايتپاقشى, جول-كولىك اپاتىنا ۇشىراعان جاعدايدا كولىك يەلەرى 5777 بىرىڭعاي بايلانىس ورتالىعىنىڭ نومىرىنە قوڭىراۋ شالا الادى. بۇل نومىرگە ۇيالى تەلەفون ارقىلى بايلانىسۋ – تەگىن.
