فوتو: gov.kz
16 كوماندادان 112 سپورتشى قاتىسقان اسكەري قىزمەتشىلەر اراسىنداعى جەكپە-جەكتەر جەتى سالماق دارەجەسىندە ءوتتى.
قورعانىس مينيسترلىگىنە قاراستى سپورت كوميتەتىنىڭ توراعاسى – ورتالىق سپورت كلۋبىنىڭ باستىعى پودپولكوۆنيك ارمان ابەۋوۆتىڭ ايتۋىنشا, اسكەري قىزمەتشىلەردىڭ كۇش-قۋاتى مەن ەرىك-جىگەرىن جانە توزىمدىلىگىن دامىتۋدىڭ ءتيىمدى ءادىسى سانالاتىن ارميالىق قويان-قولتىق ۇرىس سپورتىنىڭ جىلدان-جىلعا تانىمالدىلىعى ارتىپ كەلەدى.
چەمپيوناتتا قازاقستان سپورتشىلارى سەرجانت ايدىن نۇريدينوۆ, كىشى سەرجانت ولجاس ەرجان, كاپيتان ۆاديم فەدوسەەۆ وزدەرىنىڭ سالماقتارى بويىنشا جەڭىسكە جەتتى. لەيتەنانت ارمان ەرمەنبەت ەكىنشى ورىن ەنشىلەدى.
جارىس قورىتىندىسى بويىنشا قازاقستان قارۋلى كۇشتەرى قۇراماسى جالپىكوماندالىق ەسەپتە ءبىرىنشى ورىن الدى.
