بۇل تۋرالى حوك پرەزيدەنتى توماس باح ءباسپاسوز ءماسليحاتىندا مالىمدەدى.
«بۇل ۇسىنىلعان بەس سپورت ءتۇرى امەريكالىق سپورت مادەنيەتىنە تولىعىمەن سايكەس كەلەدى جانە الەمگە ايگىلى امەريكالىق سپورت تۇرلەرىن كورسەتەدى. ولاردىڭ قوسىلۋى وليمپيادالىق قوزعالىسقا امەريكا قۇراما شتاتتارىنداعى جانە بۇكىل الەمدەگى سپورتشىلار مەن جانكۇيەرلەردىڭ جاڭا قاۋىمداستىقتارىمەن ارالاسۋعا مۇمكىندىك بەرەدى. سونىمەن بىرگە اقش-قا حالىقارالىق سپورت تۇرلەرى دە كەلەدى», دەدى باح.
2022 جىلدىڭ اقپانىندا حوك لوس-اندجەلەستەگى 2028 جىلعى جازعى ويىنداردىڭ باستاپقى باعدارلاماسىنا سۋ سپورتى, ساداق اتۋ, جەڭىل اتلەتيكا, بادمينتون, باسكەتبول, ۆەلوسپورت, ات سپورتى, سەمسەرلەسۋ, فۋتبول, گولف, سپورتتىق گيمناستيكا, كوركەم گيمناستيكا, گاندبولدى قوسا العاندا, 28 سپورت ءتۇرىن ەنگىزدى.
لوس-اندجەلەستەگى وليمپيادا ويىندارىنىڭ اشىلۋ سالتاناتى 2028 جىلدىڭ 14 شىلدەسىندە وتەدى. جارىس 30 شىلدەدە اياقتالادى.
