فوتو: اشىق دەرەككوز
وسى جىلدىڭ 27-28 قىركۇيەگىندە اقتاۋ قالاسىنداعى «زۆەزدا اكتاۋ» بيزنەس ورتالىعىنىڭ ءماجىلىس زالىندا ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. وعان ء«دىن زەرتتەۋ ورتالىعىنىڭ», «اقنيەت» قق جانە ت.ب ماماندارى, پسيحولوگتارى مەن تەولوگتارى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – ريتوريكا مامانى امانبەك تولقىن, ءدىنتانۋشى مىرزاەۆ بالعابەك ابدىقايىم ۇلى, «الەۋمەتتانۋ» عىلىمدارىنىڭ كانديداتى جاقيانوۆ تالعات جاردەمقۇل ۇلى جانە مەدياتسيا مامانى ورازباەۆا شيرين يرانبەكوۆنا سەمينار وقىدى.
امانبەك تولقىن «ريتوريكا. كوپشىلىك الدىندا سويلەۋ داعدىلارىن مەڭگەرۋ» تاقىرىبىمەن قاتىسۋشىلارعا ادام بويىنداعى جاسقانشاقتىقتى جويۋ, داۋىستىڭ ىرعاعى, تەمبرى, ينتوناتسيانى دۇرىس قولدانۋ, ەكپىندى دۇرىس قويۋ, دۇرىس تىنىس الۋ ماڭىزدىلىعىن اتاپ ءوتتى. سونىمەن قاتار, «ديكتسيانى جاقسارتۋعا ارنالعان قۇرالدار» تاقىرىبىندا اياسىندا وراتورلىق شەبەرلىكتى دامىتۋعا باعىتتالعىن ارنايى جاتتىعۋلار مەن ادىستەردى كورسەتىپ, ترەنينگ وتكىزدى.
جاقيانوۆ تالعات جاردەمقۇل ۇلى «زايىرلىلىق قوعامدىق كەلىسىم مەن تۇراقتىلىتىڭ نەگىزى رەتىندە» تاقىرىبىندا جالپى تەوريالىق اقپارات بەرىپ, قاتىسۋشىلارمەن جۇمىس جاسادى. سونداي-اق, «قازاقستانداعى ءدىني احۋال: نەگىزگى ماسەلەلەر مەن تەنديتسيالار» تاقىرىبىمەن قازاقستانداعى ءدىني جاعدايلاردى تۇسىندىرە وتىرا, وعان قاتىستى كۇردەلى سۇراقتارعا جاۋاپ بەرۋ ادىستەرىن ۇيرەتتى.
مىرزاەۆ بالعابەك ابدىقايىم ۇلى «قازاقستان رەسپۋبليكاسىنداعى راديكالدىق جانە ەكسترەميستىك باعىتتاعى ءدىني اعىمدار جانە ولاردىڭ بەلسەندىلىگى تۋرالى» تاقىرىبى اياسىندا تىڭداۋشىلارعا دەسترۋكتيۆتى ءدىني اعىمداردىڭ قوعامعا قاۋپى, نەكە جانە وتباسى ينستيتۋتىنا, ادام دەنساۋلىعىنا قاتەرى تۋرالى ايتىپ ءوتتى. سونداي-اق «زايىرلىلىق جانە ونىڭ ءدىني بىرلەستىكتەرمەن قارىم-قاتىناسىنىڭ نەگىزگى پرينتسيپتەرى» تاقىرىبىندا زايىرلىلىق, زايىرلى مەملەكەت: ۇعىمى, ءمانى, سيپاتى, زايىرلى ادەپ نەگىزدەرى تۋرالى ءسوز قوزعادى.
ورازباەۆا شيرين يرانبەكوۆنا «ۋپراۆلەنيە كونفليكتامي» تاقىرىبىندا كەزدەسىپ, مامانداردارعا دۇرىس سوزدىك قاتىناستىڭ داۋلى, جانجالدى ماسەلەلەردى شەشۋدىڭ, دوستىق قاتىناس پەن ىنتىماقتاستىق ورناتۋدىڭ ناتيجەلى قۇرالى ەكەنىن ءتۇسىندىردى. كەلەسى كەزەكتە, «ەففەكتيۆنىە پەرەگوۆورى» تاقىرىبىندا سەمينار وقىپ, كەلىسسوزدەرگە دايىندالۋ العىشارتتارىن, ەرەجەلەرىن, جۇرگىزۋ جۇيەسىن ايتىپ ءوتتى.
سونىمەن قاتار سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, تۇجىرىمدى جاۋاپتار الىندى.
