فوتو: freepik.com
«17 تامىزدا «قازاقستان» كەنىشىندە بولعان اپاتتان كەيىن اتالعان اۋماققا (D6 قاباتىنىڭ كومىر ەڭىسى) ىرگەلەس جاتقان ەسكى قازبالارعا جانە بوگەتشەلەرگە تەكسەرۋ جۇرگىزىلىپ جاتقان. 2003 جىلى سالىنعان №س14 بوگەتشەنى تەكسەرۋ بارىسىندا جاڭا وقشاۋلاعىش بوگەتشەنى ورناتۋ شەشىمى قابىلداندى. 11 قازاندا جاڭا وقشاۋلاعىش بوگەتشەنىڭ قۇرىلىسىنا دايىندىق بويىنشا تەحنيكالىق جۇمىستاردى جۇرگىزۋ كەزىندە كاسىبي اسكەريلەندىرىلگەن اۆاريالىق-قۇتقارۋ قىزمەتىنىڭ (كااقق) ساربازدارى ماسسانىڭ قىزىپ جاتقانىن انىقتادى. بۇل تۋرالى حابارلانعان مەزەتتەن توتەنشە جاعدايدى جويۋ جونىندە جوسپار ەنگىزىلىپ, شاحتادا بولعان 106 ادامنىڭ بارلىعى ساعات 13:50-دە جەر بەتىنە شىعارىلدى. زارداپ شەككەندەر جوق. تەكسەرۋ جۇرگىزۋ ءۇشىن شاحتاعا كااقق-ءنىڭ قوسىمشا 2 بولىمشەسى جەتتى», دەپ مالىمدەدى ارسەلورميتتال تەمىرتاۋ اق ءباسپاسوز قىزمەتى.
ەسكە سالا كەتسەك, قاراعاندى وبلىسىنداعى «قازاقستان» شاحتاسىندا ءورت 17 تامىزدا بولدى. اپات كەزىندە جەر استىندا بولعان 227 كەنشىنىڭ ء222–سى جەر بەتىنە جەدەل شىعارىلدى, 8-ءى زارداپ شەكتى. شاحتانىڭ استىندا قالعان بەس كەنشىنىڭ دەنەسى تابىلدى. 18 تامىزداعى جاعداي بويىنشا ورتتەن زارداپ شەككەن 11 كەنشى ەم قابىلداپ جاتتى. مەملەكەت باسشىسى ءورت سەبەبىن انىقتاۋ ءۇشىن جان-جاقتى تەرگەۋ جۇرگىزۋدى تاپسىردى. 18 قىركۇيەكتە توتەنشە جاعدايلار ءمينيسترى سىرىم ءشارىپحانوۆ جاريا ەتكەن ۇكىمەتتىك كوميسسيانىڭ تەرگەۋ قورىتىندىسى بويىنشا جۇمىس بەرۋشى 100% كىنالى دەپ تانىلدى.
