بۇل باسقوسۋدىڭ ماقساتى – ءوزارا تۇسىنىستىككە جاردەمدەسۋ جانە الەمدەگى بەيبىتشىلىك پەن كەلىسىمگە ۇلەس قوسۋ ءۇشىن الەمدىك جانە ءداستۇرلى دىندەر كوشباسشىلارىن بىرىكتىرۋ. يزرايلدە مىڭداعان بەيكۇنا ادامنىڭ, جازىقسىز قۇربانداردى, بالالار مەن سابيلەردى جەرلەۋ ءراسىمىن ويلاپ, جۇرەگىم اۋىرىپ, كوزىمە جاس الىپ سويلەپ تۇرمىن. جاقىندارىنان ايىرىلىپ, جىلاپ-سىقتاعان وتباسىلار كوپ. ولاردىڭ ءومىرى مەن بولاشاعى جويىلدى.
شابۋىلدى ۇيىمداستىرۋشىلار يسلام مەن قۇداي اتىن جامىلىپ, دىنگە كىر كەلتىرگەنى انىق. ەشبىر ءدىن جانە قانداي دا ءبىر ءدىني ءىلىم مۇنداي كىسى ءولتىرۋ ارەكەتىن قۇپتامايدى جانە قولدامايدى. قۇدايدى قورلاۋ بارلىق دىنگە تەرىس اسەر ەتەدى, ياعني بۇل وسىندا جينالعاننىڭ بارىنە قاتىستى.
جوەل ادلەر,
ءيزرايلدىڭ باس اشكەنازي راۆۆيناتىنىڭ جەكە كەڭەسشىسى
