فوتو: primeminister.kz
ۇكىمەت باسشىسى ءاليحان سمايىلوۆ دامىعان ەلدەردە كادر دايارلاۋ جۇيەسىنە, ونىڭ ىشىندە كاسىپتىك تەحنيكالىق ءبىلىم بەرۋ ساپاسىن ارتتىرۋعا باسىمدىق بەرىلەتىنىن ايتتى. الەمدىك تاجىريبە بويىنشا جاستار قوعامعا ءسىڭىپ, مامان اتانۋى ءۇشىن مەملەكەت قاشاندا قامقورلىقتى ايامايدى.
«ەلىمىزدە 9-سىنىپ تۇلەكتەرىنە كوللەدجدەردە تەگىن وقۋعا مۇمكىندىك بەرىلگەن. 3 جىل ىشىندە كادر دايارلاۋعا ءتيىستى مەملەكەتتىك تاپسىرىس كولەمى ۇلعايتىلدى. ەگەر بۇعان دەيىن كوللەدجدەردە بيۋدجەت ەسەبىنەن 95 مىڭ ستۋدەنت وقىسا, بيىل ولاردىڭ سانى 133 مىڭعا دەيىن ۇلعايتىلدى. ءبىز مەملەكەتتىك تاپسىرىستى بۇدان ءارى دە ارتتىرا بەرەمىز», دەدى ۇكىمەت باسشىسى.
بيىلدان باستاپ كوللەدج ستۋدەنتتەرىنىڭ شاكىرتاقىسى 50%-عا ءوستى. وسى باعىتپەن 2025 جىلعا دەيىن ستيپەنديالار تاعى 2 ەسەگە وسىرىلەدى. ۇكىمەت باسشىسى وقۋ-اعارتۋ مينيسترلىگىنە مۇددەلى مەملەكەتتىك ورگاندارمەن, اكىمدىكتەرمەن جانە «اتامەكەن» پالاتاسىمەن بىرلەسىپ, تەحنيكالىق جانە كاسىپتىك ءبىلىم بەرۋدى جاڭعىرتۋ جونىندەگى جول كارتاسىن ازىرلەۋدى جۇكتەدى.
