فوتو: parlam.kz
«ۇكىمەت ساعاتىندا» دەپۋتات ەلىمىزدەگى اۋرۋحانالار اي سايىن كۆوتا ارقىلى قاراجات الاتىنىن ايتتى.
ء«بىر ايعا كت, مرت جاساۋعا بەلگىلى ءبىر كۆوتا بەرىلەدى. ال ەگەر ناۋقاستار سانى بۇدان كوپ بولسا, وندا دارىگەر ناۋقاستى كەلەسى ايعا جازۋعا ءماجبۇر. وسىنى ەسكەرسەك, اي سايىنعى قارجىلاندىرۋدى ءار ەمحانا وزدەرى شەشۋ كەرەك. مەديتسينالىق اقپاراتتىق جۇيەلەر (كميس, دامۋمەد, ربيجفۆ, حپن-پورتال, گەپاتيت-پورتال, نربت, نربسد) اراسىندا بايلانىس جوق. دارىگەرلەر ناۋقاستاردىڭ دەرەكتەرىن ءتۇرلى مەديتسينالىق اقپاراتتىق جۇيەگە ەنگىزۋگە ءماجبۇر بولعاندىقتان, ناۋقاستاردى قاراۋعا ۋاقىتتارى دا جوق. ءبىر ناۋقاستى تەكسەرۋگە بەرىلەتىن ستاندارتتى ۋاقىت كومپيۋتەر تولتىرۋعا كەتىپ وتىر. سوندىقتان, دارىگەرلەردىڭ جۇكتەمەسىن ازايتۋ ماقساتىندا بىرىڭعاي اقپاراتتىق جۇيەنى ىسكە قوسۋ كەرەك نەمەسە جوعارىدا اتالعان مەديتسينالىق اقپاراتتىق جۇيەلەر اراسىندا بايلانىس ورناتۋ كەرەك. جىلدىڭ باسىندا تاريف بەلگىسىز بولادى, اۋرۋحانالار, ەمحانالار اي سايىن ناۋقاستارعا بولجالدى شامامەن ەمدەۋ شارالارىن جۇرگىزەدى. بىراق جىل باسىندا بەلگىلەنگەن تاريف نارىقتاعى باعامەن سايكەس كەلمەيدى. ال مەديتسينالىق ۇيىمداردىڭ قىزمەت كورسەتۋى ءار ايعا بەلگىلەنگەن مولشەردەن اسىپ كەتسە, قوسىمشا قارجىلاندىرىلمايدى. ال جەتپەي قالسا, ارتىلعان قارجىنى قايتارىپ الادى. بۇل مەديتسينالىق مەكەمەگە ۇلكەن زيان اكەلەدى. سوندىقتان مەديتسينالىق ۇيىمدارعا جالپى جاسالعان قىزمەتىنە قاراي تولەنۋ كەرەك. ەمحانالاردى قارجىلاندىرۋ جۇيەسى تىركەلگەن ازاماتتار سانىنا بايلانىستى بولۋ كەرەك. ەگەر ازامات ءبىر ەمحانادان باسقا ەمحاناعا اۋىسقان جاعدايدا سول ازاماتقا بولىنەتىن اقشاسى اۋىسقان ەمحاناسىنا اۋدارىلۋى ءتيىس. ازاماتتاردا «ساقتاندىرىلعان» مارتەبەسى بولماعان جاعدايدا ونىمەن مەديتسينالىق قىزمەتكەرلەرى ەمەس, ازاماتتاردى قولداۋ ورتالىعى نەمەسە الەۋمەتتىك قىزمەتكەرلەر اينالىسۋ كەرەك», دەدى ج.ءاشىمجان.
دەپۋتات مەديتسيناداعى تۇيتكىلدى ماسەلەنىڭ ءبىرى - سىزىقتىق شكالانىڭ قولدانۋداعى كەلەڭسىزدىكتى دە اتاپ ءوتتى. ج.ءاشىمجان سىزىقتىق شكالا ءار ەمحانا مەن اۋرۋحانانىڭ ەمدەيتىن سىرقاتتارىنىڭ سانىن كۆوتالاپ, شەكتەيتىنىن ايتتى. وسىنىڭ سالدارىنان مەديتسينالىق ۇيىمدار ناۋقاس قانشا جەردەن مەديتسينالىق ساقتاندىرىلعان بولسا دا بەتىن قايتارۋعا ءماجبۇر بولاتىنىن جەتكىزدى. بۇنداي ماسەلەدە ءمامس اقشا تولەمەيتىندىكتەن, سىزىقتىق شكالانى الىپ تاستاۋدى ۇسىندى.
