فوتو: kamshybek_kunkabayev
«قىتايداعى جازعى ازيا ويىندارى دا ءوز مارسەسىنە جەتتى. تاقىم قىسىپ جانكۇيەر بولعان بارشا قاۋىمعا العىس ايتامىن. بۇيىرتسا, پاريج-2024 وليمپياداسىنان قازاق ەلىنە التىن الىپ كەلۋدى ءناسىپ ەتسىن», دەپ جازدى بوكسشى.
قامشىبەك حانچجوۋداعى جازعى ازيا ويىندارىنىڭ فينالىنا شىققان جالعىز ساڭلاق ەدى. الەمنىڭ ەكى دۇركىن چەمپيونى, توكيو وليمپياداسىنىڭ جەڭىمپازى وزبەك باحودير جالولوۆقا قارسى وتكىزگەن جەكپە-جەكتەن كەيىن قامشىبەك پىكىر ءبىلدىردى.
«رينگتە مەن ءجۇردىم, تورەشى قولىمدى كوتەرمەگەندىكتەن جەڭدىم دەمەيمىن. كەلەسى جىلى پاريجدە وتەتىن وليمپيادا ويىندارىندا بۇدان دا قارقىنمەن جۇدىرىقتاسىپ, ەلىمە التىن مەدال تارتۋ ەتكىم كەلەدى», دەدى ول.
اسا اۋىر سالماقتا سيدنەي وليمپياداسىنىڭ كۇمىس جۇلدەسىن العان مۇحتارحان دىلدابەكوۆ بوكستا بويى ۇزىنداردىڭ قيمىلى سىلبىر كەلەتىنىن, قامشىبەك جىلدامدىعىن ۇدەتسە, جالولوۆتى ساباسىنا تۇسىرۋگە بولاتىنىن ايتتى.
