فوتو: جەتىسۋ وبلىسى اكىمدىگى
بۇعان دەيىن وتكەن بايقاۋلاردىڭ تارتىستى وتۋىنە تالاي پروزاشىلار, جۋرناليستەر, زاڭگەرلەر, قۇقىق قورعاۋشىلار دەتەكتيۆ جانرىنداعى شىعارمالارىمەن ۇلەستەرىن قوسقان.
«بيىلعى دەتەكتيۆ شىعارمالار بايقاۋى جازۋشىنىڭ 100 جىلدىعىمەن تۇسپا-تۇس كەلىپ وتىر. ءارى شاراعا جەتىسۋ وبلىسىنىڭ اكىمدىگى قولداۋ كورسەتكەنىن ايتا كەتكەنىمىز ءجون. كەمەل توقاەۆتىڭ تۋعان ولكەسىندە وتەتىن بايقاۋدىڭ ارتىقشىلىعى كوپ. ۇمىتكەرلەردىڭ بايقاۋ تالابىنا سايكەس كەلەتىن شىعارمالارى رەسپۋبليكالىق «زاڭ گازەتى» مەن «يۋريديچەسكايا گازەتا» باسىلىمدارىندا جارىق كورەدى. بايقاۋعا جولدانعان شىعارمالار zanmedia.kz سايتىنداعى «دەتەكتيۆ» ايدارىندا جيناقتالىپ, كوپشىلىكتىڭ وقىپ تانىسۋىنا, پىكىر بىلدىرۋىنە مۇمكىندىك جاسالادى. سونداي-اق, شارا اياسىندا بۇعان دەيىنگى بايقاۋلاردا باس جۇلدەنى يەلەنگەن ۇزدىكتەر تالدىقورعانعا ارنايى شاقىرىلىپ, شەبەرلىك ساباعىن وتكىزەدى», دەدى سپيكەر.
شىعارمالار 15 قازان كۇنگى ساعات 18.00-گە دەيىن قابىلدانادى.ء بىر اۆتور بىرنەشە شىعارماسىن ۇسىنا الادى. ءماتىن, قارپى – Times New Roman, كەگل - 14, جول ارالىق ينتەرۆال – 1, تۇزەتىلۋى – ەنىنەن, شەت-شەتىنەن – 2 سم.. ۇمىتكەر ءوزىنىڭ اتى-ءجونىن, تولقۇجاتىنىڭ كوشىرمەسىن, ۇيالى بايلانىس نومەرىن, ەلەكتروندى پوشتاسىن تولىق جازۋى كەرەك. باستى تالاپ – جىبەرىلەتىن ماتەريالدار دەتەكتيۆ جانرىنىڭ تابيعاتىنا سايكەس بولۋى كەرەك. بەلگىلەنگەن مەرزىمنەن كەشىگىپ جىبەرىلگەن نەمەسە كونكۋرستىڭ تالابىنا سايكەس كەلمەيتىن جانە بۇرىن باسقا بايقاۋعا قاتىسقان شىعارمالاردىڭ كونكۋرسقا قاتىسۋىنا جول بەرىلمەيدى.
جۇلدەگەرلەر 8 قاراشا كۇنى تالدىقورعاندا ماراپاتتالادى, ۋاقىتى مەن وتەتىن ورنى ۇيىمداستىرۋشىلار تاراپىنان قوسىمشا حابارلانادى.
